尚泰太 (已結業)

✨马拉盏炒杂菜杂菜即系当日有咩菜都会放落去，点菜时仲谂紧拣咩菜食好呢？炒杂菜就岩晒，至少3款菜炒埋一碟，颜色又够丰富，马拉盏亦够晒惹味。✨泰式香芒蟹肉炒饭炒饭炒到好干身，粒粒分明，用蛋炒成好香口。面层布咗大粒芒果肉，食落又觉得几夹，令整体感觉更清爽。✨泰式素春卷即炸送上脆卜卜，馅料好结实，有红萝卜丝、白菜丝和素肉，调味跟普通春卷差不多，口感亦整得好似，唔讲唔觉似素肉，唔错！✨士多啤梨沙冰超大杯满到泻！沙冰口感绵滑，不会饮到大块冰粒，士多啤梨味亦几浓，而且没有人工科学味。✨生姜蜜闻落充满姜味，饮落更姜够晒辣！