一杯屋 (已結業)

同好姊妹好耐冇见，大家都话好耐冇出去行街，就下佢今日过海去铜锣湾行吓，顺便食饭聚一聚。两个人最初都唔知去边度食饭好，灵机一触，上次唔系喺铜锣湾食过间一杯屋几好食嘅咩，而且环境都几好，就趁今次再去帮衬。叫咗寿司拼盘，水准依然保持不变，今次另外叫咗个法国芥末籽酱牛柳定食，连埋前菜、餐汤同沙律都系百几蚊，呢个地段算系几抵食啦。牛柳煮得软淋，加埋微辣而带点酸嘅法式芥末酱，越食越开胃。再叫多个日式炒杂菜，炒得够香，有我钟意嘅菇菇同埋好多木鱼丝喺面，郁嚟郁去好似不停叫你食佢咁~~食饱心情靓晒又可以同好姊妹继续行街街！