三ステーキ (已結業)

网上知道这家来自日本的石烧牛扒专门店，绰头系自助售票机，自助烧牛扒，自助添饭倒水，见几得意就同老婆去试试。盘晚上八点半仍然颇多顾客，以为好似麦记坐低才去买票，点知店员要求先购票再分派座位比我，心谂你带得位就顺便帮我落埋单啦！唔洗我第一次对住部几十粒掣的售票机头都痕哂！店员态度又麻麻，后面又多人排紧队......座位比想像中更狭窄，两梳蕉还可以，我和太太都孭袋就麻烦少少，想放枱底但地下少少湿，结果系揽袋缩肩锯牛扒。我点了最平的三拍子牛扒，意外的好味，有牛油香而且唔韧，相当满意，至于太太点的牛柳就好失望。牛扒份量唔多但白饭沙律任添，一定食得饱。只要避开繁忙时间，都是一个食平宜牛扒的地方。虽然带位店员态度不好，但另一位亚婶就好好人，唔该哂！