影片
更多
2020-04-24
51 浏览
我系印度菜嘅Fans，几乎每半个月都至少要食一餐印度菜先安乐👅今日就去咗呢间位于天后既正宗印度餐厅及酒吧，就即管试下有几正宗先！餐牌有中英对照，最紧要系图文并茂！因为对印度菜唔算系太熟悉，自己英文又系有限公司，所以有时会点错野食，或者食物嚟到嘅时候同想像中嘅样唔同🤣好彩呢度每款菜式都会提供图片，一眼就睇到自己想食啲乜，好方便～一坐低就会会奉上免费零食，系印度胡椒脆饼😍而且有埋四款酱汁可以一齐食用！辣酱就比较辣，而薄荷酱就食得多，蒜酱真系未食过，而且惊艳到我，唔会好重味，淡淡蒜香，配脆饼真系一流～奶油咖喱鸡，食亲印度菜都必点Butter Chinken❤️奶油咖哩好香浓，好香甜，奶油味好重，鸡件肉质好滑，配Naan一齐食系绝配！重点系呢度会有小蜡烛帮咖喱keep住一定热度，咖喱冻咗就好易会有腻感，呢个咖喱就完全冇呢啲问题，食到最后都系热辣辣既👅呢到有多款 Naan 可以选择，我就点左一份炭烧烤饼，估唔到连睇落去平平无奇嘅Naan都有惊喜。烤饼完全唔油腻，外层带一点微脆。重点系入面有一层薄薄嘅馅料，味道甜甜地，系令人忍唔住一口接一口既味道。个人觉得呢间印度菜比起中环兰桂坊嘅印度餐厅价钱平啲，
餐牌有中英对照，最紧要系图文并茂！因为对印度菜唔算系太熟悉，自己英文又系有限公司，所以有时会点错野食，或者食物嚟到嘅时候同想像中嘅样唔同🤣好彩呢度每款菜式都会提供图片，一眼就睇到自己想食啲乜，好方便～
一坐低就会会奉上免费零食，系印度胡椒脆饼😍而且有埋四款酱汁可以一齐食用！辣酱就比较辣，而薄荷酱就食得多，蒜酱真系未食过，而且惊艳到我，唔会好重味，淡淡蒜香，配脆饼真系一流～
奶油咖喱鸡，食亲印度菜都必点Butter Chinken❤️奶油咖哩好香浓，好香甜，奶油味好重，鸡件肉质好滑，配Naan一齐食系绝配！重点系呢度会有小蜡烛帮咖喱keep住一定热度，咖喱冻咗就好易会有腻感，呢个咖喱就完全冇呢啲问题，食到最后都系热辣辣既👅
呢到有多款 Naan 可以选择，我就点左一份炭烧烤饼，估唔到连睇落去平平无奇嘅Naan都有惊喜。烤饼完全唔油腻，外层带一点微脆。重点系入面有一层薄薄嘅馅料，味道甜甜地，系令人忍唔住一口接一口既味道。
个人觉得呢间印度菜比起中环兰桂坊嘅印度餐厅价钱平啲，味道质素又相当高，好推荐！有下次！
张贴
