三木日本料理 (已結業)

一入到去,见到依度舖面够大,装潢几靓,D座位都坐得舒适,对依度既第一印象几好,今次同朋友黎食,气氛都唔错。讲番食物,依度选择几多,寿司、刺身、炸物、小食、甜品样样都有。首先试左D寿司、刺身,食材新鲜,尤其系海胆,分别点左3次,海胆既份量足,而且味道鲜甜!!有食开海胆既都知道稍为唔鲜既海胆一系就变左色,一系就流失晒D甜味,依度D海胆真心好食! 刺身亦都排到靓靓仔仔咁拎出黎,甜虾、北寄贝同吞拿鱼都好甘香!小食方面,烧青口、牛柳粒、烧冬菇、烧菠萝都几开胃!甜品方面,我最钟意系焦糖炖蛋,焦糖够脆、蛋够嫩滑,加埋焦糖独有既香甜,真系好好食;而另外柚子味雪糕亦都有D惊喜,食落好清新,食到咁饱,食番个清清地既甜品好消济。整体黎讲,我对三木既印象好好,坐得舒服、食材新鲜、美观,而且每次落完单,D 野食好快就上,最满意系落过既order完全无甩漏,点几多上几多!我最怕系你食到第二、三轮先上返第一轮order过既野,咁就好激气!而今次绝对系愉快既放题体验!