豚本家 (已結業)

虽然话样样食物都唔错，不过我都未试晒佢全部野嘅，第一次帮衬只试咗4样野，都OK嘅。吉列猪扒系佢地嘅招牌野，拣咗猪柳因为贪佢林D，味道唔错，呢个定食$125系OK嘅，D猪柳嘅质素有返咁上下，炸粉唔会好厚，炸完出黎嘅猪柳又唔会好油。定食仲有一碗饭，一碗日式蒸蛋同埋一碗面豉汤，都OK嘅，系碗饭唔系好似用日本米。杂锦刺身饭D刺身都几新鲜，特别系只虾，难得吞拿鱼都OK，$138定食收晒货啦。另外叫了个鱿鱼须同埋烧三文鱼头，两样都唔系求其野，特别系个三文鱼头，比平时食到嘅新鲜，𠮶日食嘅时候，叫三文鱼头仲送饮品。