影片
更多
2020-10-12
468 浏览
前几日睇咗一本关于客家私房料理嘅书，突然心思思，好想去食客家菜。上网睇咗好多资料，见有不少人推介长沙湾青山道呢间「客家人」，趁今日有得收早，过嚟试下。餐厅地方好大，占地两层，环境开扬阔落，除咗地面用餐区之外，楼上仲设有几间 VIP 房，私稳度极高，很适合家庭或朋友来聚餐。先睇餐牌，原来除了主打的客家小菜外，餐厅还有粤菜、生猛海鲜、盆菜，甚至私房菜等供应。伙记同老板娘都好客气又友善，知道我哋系第一次嚟，仲好热心咁介绍菜式。言谈间得知原来餐厅喺 2008 年创立，已经有成 12 年，原本舖头喺太子花园街，旧年扩充先至搬嚟长沙湾。我哋点咗三个小菜：黄酒煮鸡汤、炆炖扣肉 同 西兰花炒带子。药膳黄酒煮鸡汤 ($168/半只)，黄酒煮鸡是客家妇女坐月的传统食品，汤中会加入木耳作调理身子之用。这里的版本当然亦不例外，而且汤内还放进了大量补身嘅药材，好似红枣、党参、黄芪等。汤头味道非常香甜，鸡肉嫩滑有酒香，吃罢面孔发热，肚皮暖笠笠。跟住试下这一道甚考手艺及火候的家常菜：农家炆炖扣肉 ($108)。扣肉用上新鲜五花腩制作，腩层肥瘦相间，入口糜烂酥香，肉嫩不腻。梅菜清甜，香味完全渗入肉中，而且份量亦下得刚
前几日睇咗一本关于客家私房料理嘅书，突然心思思，好想去食客家菜。上网睇咗好多资料，见有不少人推介长沙湾青山道呢间「客家人」，趁今日有得收早，过嚟试下。
餐厅地方好大，占地两层，环境开扬阔落，除咗地面用餐区之外，楼上仲设有几间 VIP 房，私稳度极高，很适合家庭或朋友来聚餐。
先睇餐牌，原来除了主打的客家小菜外，餐厅还有粤菜、生猛海鲜、盆菜，甚至私房菜等供应。
伙记同老板娘都好客气又友善，知道我哋系第一次嚟，仲好热心咁介绍菜式。言谈间得知原来餐厅喺 2008 年创立，已经有成 12 年，原本舖头喺太子花园街，旧年扩充先至搬嚟长沙湾。
我哋点咗三个小菜：黄酒煮鸡汤、炆炖扣肉 同 西兰花炒带子。
药膳黄酒煮鸡汤 ($168/半只)，黄酒煮鸡是客家妇女坐月的传统食品，汤中会加入木耳作调理身子之用。这里的版本当然亦不例外，而且汤内还放进了大量补身嘅药材，好似红枣、党参、黄芪等。汤头味道非常香甜，鸡肉嫩滑有酒香，吃罢面孔发热，肚皮暖笠笠。
跟住试下这一道甚考手艺及火候的家常菜：农家炆炖扣肉 ($108)。扣肉用上新鲜五花腩制作，腩层肥瘦相间，入口糜烂酥香，肉嫩不腻。梅菜清甜，香味完全渗入肉中，而且份量亦下得刚好，酱汁香喷喷，浓而不肥，用嚟送饭一流。垫底嘅白菜仔，味道亦不错，既清爽又不油腻。。
西兰花炒带子 ($108)，西兰花炒得甚爽口，而且保持翠绿，味道清新。带子大小中等，肉质鲜甜弹嫩，配埋草菇、韭黄、红萝卜等一起吃，口感非常丰富。
估唔到食完饭仲有甜品送，系木瓜雪耳糖水， 入口非常冰冻，清甜滋润，一啖啖胶原蛋白，滋阴润肺。没想到这间街坊小店，价钱咁大众化，菜式够正宗又美味，而且抵食夹大件，绝对值得一赞。
张贴
