樸生•素食 (已結業)

最近同一个食素的同事去食饭，所以一定要揾一些食素的餐厅，上网揾就揾到其中一间朴生上素，所以就去左食。地点系青衣城都方便易揾，餐厅以半自助形式运作，即系先拣一个素主食，再自助任食沙律、前菜、甜品、火锅、饮品、汤同紫菜伴饭。主食有三款，会定期转餐牌，我拣左芝士豆腐汉堡，上碟时见到都几大份，基本上要分开先食到，味道都不错，我比较钟意个豆腐，都几入味。其实食完个汉堡都已经半饱，再去睇下自助吧有咩食。我拣左凯撒沙律、羽衣甘蓝紫薯沙律、焗南瓜、青瓜同莲藕。凯撒沙律个面包粒比较淋，而紫薯沙律味道不太夹，紫薯粒好食，但核桃就可能吸收左沙律水份，变得无咁好食，觉得啲沙律比较普通，食完一次就未必想再夹。焗南瓜都ok的，真系有整到佢入味，同南瓜够淋，唔错。青瓜就无咩特别，因为佢只系切左一旧青瓜加沙律酱。莲藕食完有再食多次，因为佢加左一些好似糖酱来煮，甜甜几，几特别。热食有几款可以拣，可以食自助火锅，主要渌菇、年糕同素肠，汤底有清汤同泡菜汤。仲有紫菜伴饭，自选配料自己伴。最后仲有杞子南瓜粥同泡菜番茄汤，南瓜粥就好似汤咁，够浓同稠，用嚟食火锅都几好味。饮品冻饮就有柚子茶同粟米茶，热就有苹果同姜选择，要自己冲。甜