影片
更多
2014-05-04
800 浏览
收到公关送嚟美心母亲节蛋糕嘅换领券，试想著究竟个食评写定唔写好呢？一年里边，总有好多节日跟家人庆祝，大时大节如冬至、年三十、中秋、圣诞……等等，就唔使多讲，不过，过去好多年，母亲节就绝少庆祝，正所谓：「树欲静而风不息，子欲养而亲不在。」回想后生时，未有尽孝道，喺人生中其中一个遗憾 。当睇到依度，就知结果都喺写咗，唔喺为公关交功课，反正写少篇都无人理我，只喺，仍然有啲嘢想分享吓。母亲节跟所有节日一样，都喺各大商家抢滩之日。美心西饼依次嘅攻势，都几紧要，一口气出咗7款蛋糕或甜点应战，包括：甜入心（$588只限预定）、花钻礼盒（$188）、Tiramisu花园（$188）、花之彩虹（$198）、向日葵芒果脆脆（$228）、心花绽放（$168）、玫瑰盛放（$128）。总之有大有细，又有唔同口味，梗揾到一款氹你妈咪欢喜 。此外，仲有5款无放晌主打广告牌之内：幸福之家（$380）、太阳花黑森林（$198）、天使蛋糕．魔鬼蛋糕（$168附母亲节装饰插卡)、有花Cake（$118），都喺由之前出过嘅蛋糕演变出嚟，不得不佩服饼厨们心思 。今之获赠喺卖相最有「贵气」嘅花钻礼盒（Diamond Box
母亲节跟所有节日一样，都喺各大商家抢滩之日。美心西饼依次嘅攻势，都几紧要，一口气出咗7款蛋糕或甜点应战，包括：甜入心（$588只限预定）、花钻礼盒（$188）、Tiramisu花园（$188）、花之彩虹（$198）、向日葵芒果脆脆（$228）、心花绽放（$168）、玫瑰盛放（$128）。总之有大有细，又有唔同口味，梗揾到一款氹你妈咪欢喜 。
此外，仲有5款无放晌主打广告牌之内：幸福之家（$380）、太阳花黑森林（$198）、天使蛋糕．魔鬼蛋糕（$168附母亲节装饰插卡)、有花Cake（$118），都喺由之前出过嘅蛋糕演变出嚟，不得不佩服饼厨们心思 。
今之获赠喺卖相最有「贵气」嘅花钻礼盒（Diamond Box），其实，唔止蛋糕，就连个蛋糕盒亦充满母亲节气息，粉红色底，配以大小不同嘅红玫瑰及黄玫瑰图案，洋溢温馨之感 。仲有，细心留意到，美心依家啲饼盒较以往更硬净咗，拎起嚟都安心啲。
花钻礼盒个造型真喺合晒母亲节用，潮流又兴像真度高嘅立体蛋糕，一只唔知几多卡嘅钻戒，加两樖娇艳小花，放晌粉红色咕臣上，维妙维肖之外，更喺精致华丽，妈妈收到，未食已挂满笑容啦 。
装饰用嘅钻戒及小花，都喺以白朱古力做成，虽然白朱古力一向非常甜腻，老实讲，确喺有啲好睇唔好食 ，不过，如此有心思晌装饰上，做得又咁巧妙，都值得多欣赏 。
而下面嘅「咕臣」，喺以士多啤梨味白朱古力做嘅底壳，盛托住士多啤梨慕丝蛋糕，由下而上，有新鲜士多啤梨薄片、鲜忌廉、海绵蛋糕、士多啤梨果肉及士多啤梨慕丝，一层叠一层，亦见花唔少功夫。食味方面，虽则无咩惊喜，但仍保持番美心嘅一贯蛋糕水准，忌廉滑溜、海绵蛋糕松软、慕丝绵柔，每个细节都恰如其份 。不过，仍有唔少要挑剔嘅地方，其一，实在太多白朱古力嘅部份，小弟都自问算嗜甜，食咗半个心形手饰盒，都有少少顶唔顺嘅感觉 ；其二，蛋糕底壳以白朱古力做，好硬好实净，切起嚟一啲都唔容易 ，可能基于定形嘅问题，需要如此「下策」，若换转挞皮又唔知得唔得呢？效果又会唔会好啲呢？
唔够一个星期就喺母亲节，你仲未谂到点庆祝？至少都买个蛋糕氹佢开心，伤脑筋都只喺谂拣边一款啫。仲有，美心依次嘅母亲节蛋糕系列，另有一套心意卡，除印有唔同款式嘅蛋糕，最特别喺部份心意卡做成名信片咁，大可送上蛋糕之时，附上一张亲手写下祝福语或心底话嘅心意卡，相信更窝心，更甜蜜 。
决定都照出依篇食评，就喺希望睇到嘅朋友，无论买唔买个蛋糕，都可以向你嘅妈妈表达一下爱意或关怀，免得将来有丝丝遗憾！
题外话/补充资料：
利益申报：虽然无剔到「试食活动」一栏，但文中已表明喺公关送赠，再者，小弟当日换领蛋糕都喺即时取饼，全无事前预订，所以，认为无必要剔「试食活动」多此一举啫。
(以上食记乃用户个人意见 , 并不代表OpenRice之观点。)
张贴
