影片
更多
2024-05-10
405 浏览
某日行过尖沙咀美丽华商场见到呢间好诱惑橙色嘅Cafe，老婆大人闻到𠮶朕咖啡香味即刻忍唔住要去帮衬，唔饮咖啡嘅我都乐意奉陪最多咪饮茶哈哈。呢间CAFEMCM咖啡店应该系期间限定铺！但系佢用咗呢个好抢眼嘅橙色感觉好正，同平时见开啲咖啡店比起上嚟我觉得亲切又舒服得多。 呢间咖啡店有个好特别嘅服务，只要帮衬买杯嘢饮就可以有一张明信片，写好之后咖啡店系会代客人真正邮寄出去呢个服务真系好鬼正！等我都写返张情话绵绵嘅卡俾老婆大人先。呢度除咗可以饮到咖啡同埋其他特别饮品之外，亦都有佢哋自家品牌嘅咖啡豆、挂耳咖啡同埋曲奇，饮过钟意嘅可以即刻带返屋企慢慢叹。我同老婆大人就各自点咗杯咖啡同埋茶，除咗可以睇住咖啡师即刻冲俾我哋仲可以同时请教佢好多关于咖啡嘅知识添。虽然我饮唔到咖啡但系呢度会有好多唔同口味嘅茶比我拣，我就拣咗杯南非博士玫瑰红茶嚟叹！呢杯博士茶入口都几顺滑有小小花果香香几啱我口味，大家记得饮嘅时候揭开杯套上面嘅打气金句，返工做到个人好攰嘅时候见到呢啲正能量嘅打气金句即刻醒神唔少呀。而老婆大人就拣咗冰冻嘅橘子回忆！呢杯系咖啡店嘅招牌饮品，用秘制金橘酱加佢哋嘅咖啡同埋梳打水沟出嚟饮落好清爽仲有层次佢劲
呢间CAFEMCM咖啡店应该系期间限定铺！但系佢用咗呢个好抢眼嘅橙色感觉好正，同平时见开啲咖啡店比起上嚟我觉得亲切又舒服得多。
呢间咖啡店有个好特别嘅服务，只要帮衬买杯嘢饮就可以有一张明信片，写好之后咖啡店系会代客人真正邮寄出去呢个服务真系好鬼正！等我都写返张情话绵绵嘅卡俾老婆大人先。
呢度除咗可以饮到咖啡同埋其他特别饮品之外，亦都有佢哋自家品牌嘅咖啡豆、挂耳咖啡同埋曲奇，饮过钟意嘅可以即刻带返屋企慢慢叹。
我同老婆大人就各自点咗杯咖啡同埋茶，除咗可以睇住咖啡师即刻冲俾我哋仲可以同时请教佢好多关于咖啡嘅知识添。
虽然我饮唔到咖啡但系呢度会有好多唔同口味嘅茶比我拣，我就拣咗杯南非博士玫瑰红茶嚟叹！呢杯博士茶入口都几顺滑有小小花果香香几啱我口味，大家记得饮嘅时候揭开杯套上面嘅打气金句，返工做到个人好攰嘅时候见到呢啲正能量嘅打气金句即刻醒神唔少呀。
而老婆大人就拣咗冰冻嘅橘子回忆！呢杯系咖啡店嘅招牌饮品，用秘制金橘酱加佢哋嘅咖啡同埋梳打水沟出嚟饮落好清爽仲有层次佢劲钟意啰！仲话下次要再去试埋其他咖啡添佢真系好钟意呢间cafe啰。
张贴
