泰潮 (已結業)

早几日去机场接机，预左亲戚落机系食饭时间，不如食埋饭先番屋企，本身都有几个朋友做机场，佢地介绍我食泰潮。地理位置黎讲，泰潮系T2，仲要行得好入，如果唔系朋友话我知，我都唔会特登兜过黎，亦可能因为咁，人流不多唔洗排队。卤水拼盘配汤河，送左一小碗汤，卤水拼盘有大肠，猪肚，猪手，卤水蛋，都几好𩠌，呢个泰式卤水汁味道正常，不过不失，不过我比较钟意中式卤水汁嘅味道。另外叫左个虾酱炒饭，呢个炒饭令人喜出望外，一试难忘，虾酱味道够晒咸香，仲有啲蛋丝肉碎，食落觉得好香有镬气，有微辣，我钟意食辣就稍嫌唔够辣，上面果啲肠味道同猪肉干类近，呢个炒饭系极力推荐！一个饭都系60蚊左右，几抵食！之后问番做机场嘅朋友，佢地都话呢间嘅炒饭系好好食，我下次过黎会再试其他炒饭。