漢堡王 (已結業)

山长水远入机场做嘢！顺便食埋午饭！！T2大楼有好多食店，food court都好多选择！每一个人都会拣到自己钟意嘅菜式！ 我今日唔太肚饿，所以食个汉堡！burger king汉堡一向有水准！叫了：芝士蘑菇华堡餐：落单一条队，落好单排另一条队取食物！店员都好爽手！汉堡即叫即做！所以要等5分钟左右！取好餐坐低！个包热辣辣！芝士已经溶晒！变咗芝士酱包住两块牛肉！牛肉唔干，有少许肉汁！蘑菇片份量多，烟烟韧韧，配松软面包！好好味！唯一系个汉堡尺寸较细，男仔应该唔够饱！薯条粗身！外面少脆里面软！所以唔够脆口！可以话无咁热气！一杯汽水正常！Foodcourt地方大，好易揾位，桌椅干净！有阿姐好勤快咁收拾！不过今日落大雨，我坐花糟对开！见到屋顶漏水！好在位置正好在花糟顶！无淋湿（唔知以为自动洒水系统！)机场厕所够大又清洁企理！good!