美心.翠園 (已結業)

下午响美心食饭，用AE卡系冇折嘅，用原价食咁嘅质素，真心觉得有啲唔抵。刚去到员工执紧我哋张枱，抹枱𠮶条毛巾有点臭，我哋要另外用湿纸巾抹走𠮶啲臭味。有小许押味嘅皮蛋，流心不多，酸姜正常。炸酿蟹钳，外面脆米粉炸得不错，唯虾胶份量有点小。烧鹅油淋淋，皮软唔脆，肉质又唔香。椒盐唔鲜鱿，干争争硬骨骨的鱿鱼脚，仲一大浸雪味。凤爪普普通通，虾饺还可以。排骨剩系得肥，超油。车仔肠粉厚薄适中，加埋酱汁都唔错。最后系普普通通，蒸到外皮烂烂地嘅烧卖。