ROBOTEA (已結業)

听闲系香港第一间用机械臂调果茶响呢度开舖，好奇心叫我星期一晚走咗去试吓。一行到附近就见到两只机械臂，当然要停步睇吓搅乜鬼啦😄，原来系买完后，由机械臂取代店员为人客准备果茶，几有噱头㖞。但我偏偏点咗一杯手调嘅蝶豆花梳打，观感直头系满分，饮落口感觉唔错，👍！朋友试咗士多啤梨奶昔，白色配粉红，滑滑啲质感，淡淡士多啤梨味，又系一杯视觉同味觉一齐享受嘅饮品。今日路过又走去八卦吓。见到雪糕柜内嘅雪糕同星期一唔同咗，除咗白兔糖，仲有香橙雪芭、海盐焦糖、好立克麦提莎？咁得意？试食后三种味都几特别，可惜只有一个胃，终于忍痛决定买杯好立克麦提莎。好立克嘅香味，加上脆脆嘅麦提莎，超赞😍。其实现场都有唔少人聚集睇机械臂冲茶，原来佢仲识跳舞㗎，扭吓扭吓，小朋友见到都一齐跳，好搅笑🤣🤣🤣。临走忍唔住都要买杯机调果茶试一试。上次听到话果茶比较甜，今日问店员，佢哋话已经重新调过甜度，好喜欢佢哋接受顾客意见嘅态度。不过之前饮过其他舖头嘅果茶，都知道普遍都比较甜，加上我食完雪糕，唔想饮得太甜，所以我最终都选择咗少甜百香果茉莉花茶。左摇右摇，再扫描QR Code，杯茶就送到面前，几有趣吖。饮落甜度好适合我，里面仲有芦荟粒粒