啤啤Bear韓國包車 (已結業)

朋友早几个月食过呢间啤啤Bear 韩国餐厅话好正，入面气氛超正，餐厅系以机舖为主题，好玩味。今晚行过诺士佛台就嚟捧下场。一出lift 就见到只蓝色大熊🐻，行入去餐厅见用咗好多霓虹灯既装饰做布置；餐厅入面仲有篮球机、跳舞机，播住韩国pop music，真系成间机铺咁好过瘾。🥢铁板韩式烤鳗鱼配紫菜$98:原价二百几蚊，而家做紧优惠价$98就食到大大盘鳗鱼，份量其实唔止二人，用铁板烧原汁原味😋。另外仲有两款韩式酱料、泡菜、麻油盐、蒜粒，用生菜同纸菜包住鳗鱼粒，再点酱料食一啲都唔滞，口感超正👍🏼🥢秘制辣青口锅$188大大锅青口，青口size 有两款，大大只，同中size；汤底系秘制嘅辣汤，其他配菜材料都好简单，有劲多嘅蒜蓉，大蒜等，就调到个汤好鲜味。🥢原味芝心蛋卷$98金黄色既蛋卷上面有蕃茄酱同沙律酱，原味入面夹满芝士，好饱肚，非常满足。🥢柚子梳打🍐、菠萝梳打🍍@$38大大杯，颜色都好靓，食完烧馒鱼同辣汤青口，饮返杯超爽，甜甜地好解渴。