影片
更多
2013-11-26
195 浏览
小弟平时写食评改标题，都钟意玩吓食字，估唔到最近佐敦有间新酒店个名都一样玩吓食字，Rainbow Hotel Hong Kong点都谂住佢中文名会改番「彩虹」啦，吖几搞鬼呀，叫做「彩鸿酒店」 ，唔知真喺以为我打错字添。点解会嚟依度，因为今晚有幸应邀到酒店内一间意大利餐厅「橡木」（Oak Tree Ristorante）试菜，讲开倾开，原来喺Marco's Oyster Bar & Grill嘅分支，打算走更平易近人嘅路线。两年几前去完云南旅行，就去过一次佐敦Marco’s食饭兼分享旅行点滴，印象唔错；今次又啱啱返完大陆做嘢，又可以一边食饭，一边跟食友分享山区点滴。环顾「橡木」个环境，真喺感觉比Marco's仲要轻松随意，气氛亲切，加上地方阔落，感觉更加无咁拘紧，而切合番店名，一室都喺以木材作为装修主材料及家俱设备，颇想营造一个舒适自然，不失乡村风情嘅意大利餐厅 。如Marco's系列，注场菲律宾胡须叔叔整晚不停献唱，有英文有国语，久唔久帮人唱埋生日歌，真喺几搞到气氛 。翻一翻菜牌，跟Marco's都几近似，除咗5道菜晚餐（$328，有生蚝、沙律、餐汤、主菜及甜品）外，散叫餐牌又喺
两年几前去完云南旅行，就去过一次佐敦Marco’s食饭兼分享旅行点滴，印象唔错；今次又啱啱返完大陆做嘢，又可以一边食饭，一边跟食友分享山区点滴。环顾「橡木」个环境，真喺感觉比Marco's仲要轻松随意，气氛亲切，加上地方阔落，感觉更加无咁拘紧，而切合番店名，一室都喺以木材作为装修主材料及家俱设备，颇想营造一个舒适自然，不失乡村风情嘅意大利餐厅 。如Marco's系列，注场菲律宾胡须叔叔整晚不停献唱，有英文有国语，久唔久帮人唱埋生日歌，真喺几搞到气氛 。
翻一翻菜牌，跟Marco's都几近似，除咗5道菜晚餐（$328，有生蚝、沙律、餐汤、主菜及甜品）外，散叫餐牌又喺有一系列嚟自唔同国家、地区嘅生蚝，此外各大分类：前菜、沙律、薄饼、意粉、意大利饭、烤肉、海鲜、甜品，以及多款红白餐酒、鸡尾酒、啤酒，但最估佢唔到喺竟然有4款其他地方菜 ，包括原个菠萝海鲜焗饭、泰式皇宫虾饭、泰式咖喱鸡饭、新加坡海南鸡饭。由于喺试食活动，所以，菜式早有安排，安坐等食，唔使伤脑筋。
红酒．白酒既然要好好享受一餐意大利写意晚餐，餐酒总唔少得嘅，所以店方亦安排咗一枝Donna Rose红酒及Vino Bianco白酒供大家享用，小弟较少接触白酒，故此拣咗后者嚟试试。好老实，小弟绝对唔喺好酒之人，所以评酒更加见笑，只会班门弄斧，但可分享一下，只酒色泽金黄剔透，入口几顺溜，味道唔会太复杂，又几好饮㖞 ！
新鲜生蚝（Oysters） 无论Marco's，抑或Oak Tree，生蚝都可以话喺店内重点之一，而且仲做紧半价推广，今晚就有苏格兰及澳洲塔斯曼尼亚嘅新鲜生蚝作为头盘打头阵，实行壮壮声威。两款都好鲜味，前者体形较大，质感肥美，沾点蕃茄酱，晌酸香下蚝味似乎更突出；后者则细只少少，入口海水味挺强，味道会较咸，所以唧啲柠檬汁可以平衡一下。
意大利香草包（Focaccia） 意大利香草包算几易做嘅一款意大利包，失败指数低，但非常好啱香港人食，因为佢包身松软，包面又洒满杂香草及淋上橄榄油，所以份外油润香口 。记得以前晌美丽华商场嘅Focaccino，有款加入车厘茄版嘅意大利香草包，将香草包揿啲窿窿，酿入半粒车厘茄再焗，取名叫「蕃茄嘉茜包」，亦都好正。
黑松露野菌忌廉汤（Black Truffle and Porcini Mushrooms Cream Soup） 餐牌上野菌忌廉汤定价$58，唔知加入咗黑松露又卖几多钱呢？个汤确实菌味浓郁，当中亦有唔少菌粒，可谓真材实料，而质感都打得柔滑，绝对实而不华 ！
意大利小食拼盘（Italian Antipasto Plate）$98 好丰富嘅一个小食拼盘，有巴马火腿、莎乐美肠、冻肉肠、烤茄子、意大利蕃茄干、吞拿鱼酿车厘茄、雅枝竹、蕃茄配水牛芝士、黑橄榄及青橄榄，喺伴酒好拍档 。个人觉得莎乐美肠、烤茄子、意大利蕃茄干及蕃茄配水牛芝士几好食，尤其个蕃茄干，充满橄榄油香，蕃茄味够浓缩 ；反而巴马火腿有啲失色，感觉未够油润，有点干身，而雅枝竹又浸腌得过于腍烂。
食完一轮头盘、小食，以及餐汤、香草包，虽然都将个胃占去一定空间，不过，跟住丰富嘅主菜当前，又岂能手停口停。不过相片太多，一篇食评限于摆12张相，所以就一于下篇再续，到时重点再分享主菜及甜品！而打分方面，以今晚嘅头盘、餐汤、香草包计，都深得我心，所以值得俾个笑面佢 ！
张贴
