影片
更多
2011-10-11
1975 浏览
师傅带住少少怒气同好友食家"乜都放入窿"离开间所谓第一嘅食店, 之后又继续漫游太子, 行行下无意间见到呢间食店, 好友食家"乜都放入窿"就同师傅讲呢间食店好得, 师傅当然知呢间食店有几出名啦, 可惜从未试过, 于是好友食家"乜都放入窿"就提议入去试下, 难得黎到呢头仲可以揾到呢间食店, 师傅梗系要入去食啦!入到去食店发觉地方非常光猛舒服, 可能已经几夜, 所以人流唔算多, 求其拣个位坐底就睇下有咩好食! 坦白讲两条友都已经食到八八九九, 如果再一人一碗攦粉, 师傅相信叫定白车都得; 但呢间食店主力食攦粉, 唔食又好似唔似样, 加上好似冇咩其他选择, 正打算二人共分一碗粉之际, 忽然好友食家"乜都放入窿"发现仲有糕点, 咁成个环境就即时逆转!糕点份量细少, 唔会太过量, 加上属于甜品, 好友食家"乜都放入窿"一定冇问题, 就决定拣几款糕点, 有桂花糕, 椰汁糕, 红豆糕同芝麻糕, 每款四件, 计落都系一人两件, 落单时伙计又问要唔要餐, 餐有豆浆, 见个伙计咁讲, 师傅亦决定试一试佢!落完单吹左一阵水, 就有得食! 四款糕点摆设得精致美观, 见到已经好鬼吸引; 先讲下桂花糕, 入口清新,
入到去食店发觉地方非常光猛舒服, 可能已经几夜, 所以人流唔算多, 求其拣个位坐底就睇下有咩好食! 坦白讲两条友都已经食到八八九九, 如果再一人一碗攦粉, 师傅相信叫定白车都得; 但呢间食店主力食攦粉, 唔食又好似唔似样, 加上好似冇咩其他选择, 正打算二人共分一碗粉之际, 忽然好友食家"乜都放入窿"发现仲有糕点, 咁成个环境就即时逆转!
糕点份量细少, 唔会太过量, 加上属于甜品, 好友食家"乜都放入窿"一定冇问题, 就决定拣几款糕点, 有桂花糕, 椰汁糕, 红豆糕同芝麻糕, 每款四件, 计落都系一人两件, 落单时伙计又问要唔要餐, 餐有豆浆, 见个伙计咁讲, 师傅亦决定试一试佢!
落完单吹左一阵水, 就有得食! 四款糕点摆设得精致美观, 见到已经好鬼吸引; 先讲下桂花糕, 入口清新, 带出淡淡嘅桂花清幽, 都几醒晨; 而椰汁糕嘅椰汁唔会太浓, 味道洽到好处, 而且够香够滑; 红豆糕就较为普通少少, 不过胜在红豆够腍; 芝麻糕嘅芝麻劲香浓, 入口细滑, 有抢住食嘅感觉; 加上四款糕点的的骰骰, 糕身软硬适中, 味道唔会太甜, 仲可以一口一件, 感觉劲正, 真系食多几件都唔会厌! 师傅拣桂花糕和芝麻糕作为必食推介! 而豆酱亦香豆味, 味道唔会太甜, 都不俗!
总括黎讲食物水准甚佳, 服务招呼有礼, 店内光猛清洁, 坐得舒服, 价钱相宜, 每款糕点都系四蚊鸡, 临离开食店时发生左单小趣事, 话说师傅攞住张单起身行出门口找数, 点知比个老板叫住话 “比钱呢边”, 但师傅仍继续向门口行, 稍为定神后才懂得行番转头; 虽然唔系咩瘀事, 但好友食家"乜都放入窿"就笑到傻左, 好似比人点左笑穴咁一发不可收拾, 真系比佢激傻!
用甜品来结束当晚嘅饭局绝对系一个不错嘅选择, 而呢间食店为师傅横扫太子之尾站亦划上完美嘅句号! 最过瘾莫过于能与好友食家"乜都放入窿"四围食, 一晚光顾左四个唔同景点, 唔系个个人都可以咁样陪师傅颠法架; 如果冇左肠粉呢段小插曲, 相信师傅真系笑足一晚! 呢间食店笑脸比硬, 肯定会再黎试佢嘅攦粉!
张贴
