影片
更多
2016-06-21
1039 浏览
老婆卒之完晒啲课程开始放暑假，庆祝佢暂时脱苦海，所以，同佢食餐好嘅。因为佢未食过 西班牙小（Tapas），故造就今晚到访One Minden，试试小食，试试西班牙焗饭 。尖沙咀喺不时出没嘅揾食地区，不过，缅甸台依截小片区就较少过嚟，但知道因为附近多咗大型商场，新酒店，近三几年真喺变得唔同晒。餐厅晌缅甸台街口，正正晌K11对面，甫进去就会觉得唔止有气氛，亦好舒展，皆因枱櫈排得啱密，而且，楼底极高，予人空间感强；再者，配合埋柔和舒服嘅灯光，枱上摆放蜡烛灯，点点火光，实在够情调 。客人多以斯文客、情侣为主，轻松之余，又唔会太嘈吵。坐低咗，唔需要问店主攞餐牌，因喺菜式全印晒晌枱上嘅餐纸垫，依个安排又几好，因为大家都睇到所有菜式，方便一同研究食乜好 ！菜式以 Taste、Bread、Share、Eggs、Savour及Fresh作为分类，而当中嘅Taste同Savour都可以睇为西班牙嘅小食。饮品就印晌另一个餐牌中，选择多的是， 西班牙特饮Sangria必然出现，仲有多款红白餐酒、气泡酒、啤酒、烈酒及鸡尾酒；当然，唔多饮得嘅如我俩公婆，啡茶、汽水、果汁一样有得拣 。 Cranberry
餐厅晌缅甸台街口，正正晌K11对面，甫进去就会觉得唔止有气氛，亦好舒展，皆因枱櫈排得啱密，而且，楼底极高，予人空间感强；再者，配合埋柔和舒服嘅灯光，枱上摆放蜡烛灯，点点火光，实在够情调 。客人多以斯文客、情侣为主，轻松之余，又唔会太嘈吵。
坐低咗，唔需要问店主攞餐牌，因喺菜式全印晒晌枱上嘅餐纸垫，依个安排又几好，因为大家都睇到所有菜式，方便一同研究食乜好 ！菜式以 Taste、Bread、Share、Eggs、Savour及Fresh作为分类，而当中嘅Taste同Savour都可以睇为西班牙嘅小食。
饮品就印晌另一个餐牌中，选择多的是， 西班牙特饮Sangria必然出现，仲有多款红白餐酒、气泡酒、啤酒、烈酒及鸡尾酒；当然，唔多饮得嘅如我俩公婆，啡茶、汽水、果汁一样有得拣 。
Cranberry Juice / Mango Juice $50 夏日炎炎，先嚟一杯冰凉果汁份外怡人，加试一阵所点嘅食物都喺比较重味、热气嘢，清凉嘅果汁就啱晒用嚟缓和下。
小食中，小弟拣咗Taste里面嘅炸菠菜球同炸西班牙芝士，其实，内里仲有好多选择，平有平食，贵有贵拣，丰俭由人。
Spinach Croquetas $65 一客有4粒炸得金黄椭圆嘅炸菠菜球，外层松脆，而且入口一啲都唔油，内里唔单单喺菠菜蓉，应该仲加入咗少少面粉之类，因为咬落有少少黏黏糯糯嘅口感。
Fried Manchego Cheese $63 简简单单，就喺月7脆炸西班牙芝士（Manchego Cheese），同样一客有4件，芝士裁成三角形，入口外脆内绵，芝士味唔喺好浓𠮶类，所以，有少少食紧啲日式芝士年糕咁，而最惊喜喺伴有鲜红莓酱，酸香清甜，可大大减低油腻感。
Roots & Leaves Salad $88 都怕老婆食得油腻，所以，点一道「根叶」沙律作平衡，个沙律望落非常清新，真喺好多根、叶类蔬菜，入口爽到索索声，淋上少少蜜糖芥末汁，极之好食。
众所周知，西班牙大镬饭（Paella）喺西班牙菜中嘅名物，除传统嘅西班牙海鲜饭之外，仲有配猪肉或者素菜，兼甚具弹性有中份或大份可选。既然尽量就老婆，就拣个素西班牙焗饭啦 。
Vegetables Paella $258 菜牌都标明材料有雅枝竹、萝卜及蘑菇，其实仲有啲蜜糖豆、青豆……等等，点咗个中份，份量之大真喺唔讲得笑，结果就连我依个包底王都要放弃，老婆打包拎返去当第二日午餐。
整体味道不俗，阵阵香气，饭粒软绵有咬口，却带少少湿润，内里平衡混入好多蔬菜，感觉健康有营。食得太多肉，食番多啲素菜，轻怡又有益啲 。
上面都提及过，包底王如我都清唔晒镬饭，所以，连甜品都当然无机会一尝，未能比教吓依度嘅西班牙油炸鬼喺做成点。虽然，今晚喺嚟食西班牙菜，但一样可以投「素」有门，横扫多款素食 ！
张贴
