影片
更多
2006-03-20
24 浏览
哇!话有十八种蟹食㖞，又话有法国羔蟹、花刺蟹……谂住$328都ok㖞!总有八折添, 抵哂啦!点知...去到行完一圈已经有被骗的感觉!!! 首先讲下蟹.. 唉! 完全见唔到一只完完整整的蟹!就算最平的水蟹,街市卖$28斤的羔蟹都无... 完成欠奉! (佢广告的相好正, 但一样都见唔到!)唯一感觉到/知道自己系食紧蟹既就系在冷盘区夹到的蟹(脚)，有两种:一种系好似筷子咁幼既，另一种就粗D，不过俾人切到得一只手指咁短(本人得集手好似十一,二岁小朋友的大小)! 不过最后当所有人的台面都放了甜品的时候，我终于见到有一只完完整整的蟹(脚)系冷盘区(都有1寸粗, 长过一只筷子既)!咁我当然唔客气啦!(全晚最精彩系佢架啦)其实佢做得好好架(个介绍蟹的展示板), 佢有齐18款蟹的模型，我谂我成晚的最大得著就系睇到这个做得靓靓的展示板(不过有得睇无得食!) 放系个展示板前系一小碟一小匙的前菜, 约有6款，每款前菜的菜名都有个蟹字, 但系前菜用料的比例大约1:4啦. 蟹系1份, 其他食物系4份!我一口可以将那小碟食完(我只手咁细, 你唔会估我个口好大架吗!)好讲下汤, 有两款, 中同西: 中式系咩海皇汤,
哇!话有十八种蟹食㖞，又话有法国羔蟹、花刺蟹……谂住$328都ok㖞!总有八折添, 抵哂啦!点知...去到行完一圈已经有被骗的感觉!!!
首先讲下蟹.. 唉! 完全见唔到一只完完整整的蟹!就算最平的水蟹,街市卖$28斤的羔蟹都无... 完成欠奉! (佢广告的相好正, 但一样都见唔到!)
唯一感觉到/知道自己系食紧蟹既就系在冷盘区夹到的蟹(脚)，有两种:一种系好似筷子咁幼既，另一种就粗D，不过俾人切到得一只手指咁短(本人得集手好似十一,二岁小朋友的大小)! 不过最后当所有人的台面都放了甜品的时候，我终于见到有一只完完整整的蟹(脚)系冷盘区(都有1寸粗, 长过一只筷子既)!咁我当然唔客气啦!(全晚最精彩系佢架啦)
其实佢做得好好架(个介绍蟹的展示板), 佢有齐18款蟹的模型，我谂我成晚的最大得著就系睇到这个做得靓靓的展示板(不过有得睇无得食!) 放系个展示板前系一小碟一小匙的前菜, 约有6款，每款前菜的菜名都有个蟹字, 但系前菜用料的比例大约1:4啦. 蟹系1份, 其他食物系4份!我一口可以将那小碟食完(我只手咁细, 你唔会估我个口好大架吗!)
好讲下汤, 有两款, 中同西: 中式系咩海皇汤, 味好浓, 不过食唔到蟹肉! 西汤-好滑, 不过又系食唔到蟹肉!
到热荤啦，都几多款。约六七八款啦，我唔系好留意因为我食buffet通常唔食热荤,(我好快饱)。好似几靓, 菜名有蟹字既我都睇过, 都有蟹(脚)，个身唔知去左边! 据一位好似较高级waiter过黎寒暄的时候，我地大表失望的时，佢话有蟹身同蟹羔架，不过我地唔够人快、唔够人抢。(唉!俾3佰几都要同人斗快斗抢，家阵d钱真系咁唔好洗?我记得在金钟香格里拉都系差唔多价钱，不过唔洗抢!)
呀!有系锣板烧位置，不过成晚都无咩见人食牛肉，牛扒。多数系菜!几健康呀。有生滚粥, 我见到有鱼肉(好似斑片咁)放哂系度，我妈妈同佢讲要鱼肉呀唔该, 跟住个大厨话已经加左落煲粥里面，我估可能煲得耐所以溶哂，我就睇唔到我妈妈碗粥有鱼片啦!
我本人就最喜欢甜品同咖啡，所以食完两支蟹脚就食甜品。全部都好细件，几好。可以试多d款。佢几创新架，有朱古力砵仔羔，都可以啦爽爽地，有d朱古力味。另外有朱古力蓝莓芝士旦羔，唔算好差!朱古力粒好多，不过食唔到蓝莓味，芝士味都有d。红豆绿茶卷既红豆ok啦，几大粒几“谂”。其他无食!
佢有架TCBY的软雪糕机，可以自己“G”落雪粒筒。佢有三个出雪糕的位，有一个口有一条雪糕半天钓，我唔敢要!另一个口的下面，有一饼雪糕“挞”左系个盆度，我申唔到个雪糕筒埋去! 最后一个口叫干干净净，我好大力“G”左两卷雪糕出黎，不过佢唔断气!最后又系有半条半天钓，真系对唔住下一位食客啦!
到咖啡啦!佢几好有得自助任你饮。不过唔知佢D咖啡系自己炒定个供应商炒埋俾佢，浓左D!(顺便一提，系糖街NEWAY晚间BUFFET有任饮咖啡，系按制出那只呢，几好饮架!味道好似系COFFEE SHOP卖成廿蚊杯的咖啡咁，几得架)。
哇…打左好耐，应该都讲哂啦!就算未都应该有所保留。虽然有被骗的感觉，但食完唔会好气愤，因为个WAITER都好识做。佢应该知我地唔满意，自动俾左一位半价我地(佢地做紧巨蟹座同双鱼座半价)。
另外个还境都OK，算坐得几舒服。
呀!订位的时候佢话要俾$500 DEPOSIT留位，要我地填左张FORM，俾CREDIT CARD NO.佢过数，我地签左FAX返俾佢。食食下有个WAITER送返张FORM俾我地话其实无过数，只系想我地签一签以示作实订位，其实系唔会过我地数。这点做得几好。值得一赞。
如果真系想试18款蟹就唔好去啦。我记得系SOGO买只法国羔蟹都系约3佰蚊，好多刺的大蟹就2百几。应该够3，4个人食。
张贴