武士拉麵 (已結業)

店舖位置唔太起眼，铺仔细细充满风味。一入铺有两位师傅热情招呼。 餐厅菜式以日本古代名将命名，坐低谂唔到食咩就直接叫师傅帮我话事。师傅介绍我食丰臣将军拉面，汤底为四国香葱油豚骨汤底，饮落有葱油的香，配上豚骨可解腻，葱粒食落新鲜爽口。叉烧为传统既圆形五花叉烧，上菜前会用火枪烧下逼出油份，十分香口。 其次师传就推介左德川将军拉面，拉面为鱼介豚骨汤。汤底鱼介味突出，十分鲜味，配上浓厚既豚骨汤，饮落浓味得黎又顺口，不会死咸。试完一啖汤完再加入铺头秘制既鱼油，令成碗汤既鲜味上提到另一个层次。 之后叫左个煎饺子，饺子为椰菜猪肉馅，食落菜肉分明，食得出粒粒肥猪肉及爽口的椰菜，不会切到烂哂，而饺子汁同坊间不同，呢到较似照烧汁既味，调味较甜。 面好食，汤好饮，美中不中的是小店可能当日有两部冷冻唔记得开一部，食到尾出哂汗，哈哈，不过下次早D同师傅讲就得 总结小店形式，味道比例传统既拉面，会再帮衬。可惜既系听师傅讲佢地好似七月就唔做，珍惜现在，推介大家去试下！