淳吟居酒屋 (已結業)

朋友揾到间特色居酒屋，当然要试试。小店座位佐敦横街小巷，唔熟路绝对要打开地图左揾又揾，去到小街，旺中带静，几好feel，本身订左枱，但职员安排我地坐bar 枱，要知道居酒屋重点系吹水，讲人是非，就梗系要你眼望我眼先会讲得特别投入。所以，当有客走，店员就安排返我哋坐阔落嘅四人座位，贴心安排，认真抵赞。打响头炮，牛肝芝士配手指饼捞起唔会太咸，口感似鹅肝，但手指条比多几条会更佳。鹿肉汉堡扒个人觉得，其实同普通汉堡包冇乜特别分别，食得出汉堡手打，再压制，再煎香，好味的。串烧方面只系叫咗三款第一个串烧系，牛舌真心推介，牛舌大嚿弹牙，烧得好香，好味第二个串烧，鸡皮鸡皮烧得香脆，但好咸，重手左少少第三个串烧，烧白鳝白鳝弹牙多汁，冇任何挑剔。最后串烧再叫多咗一串牛一串白鳝烧鲭鱼，鱼肉正常，但鱼皮烧到超级㶶！食到放弃。白酒煮鲍鱼正常发挥，冇咩特别。比较欣赏小菊花吞拿鱼鱼腩卷卖相特别，上碟好靓，食落OK叫咗两个𩠌酒小食 两款都好味，因为太好味，仲叫多两杯最后总结，餐厅位置偏僻，但系坐得好舒服，饮啤酒吹水度11点，开心尽兴。食物种类多，质素较高，价钱中上。用餐体验良好。