影片
更多
2013-04-30
549 浏览
是夜约左佳人E小姐食饭, 知道佢好钟意食点心又刚巧在openrice搜寻度知道(唔系广告时间) "添好运" 在北角开左分店, 就决定同佢去试试, 同男士梗系一早去揾位架喇, 又知道 "添好运" 个名同等几粒钟至有得食系对等的, 因为对香港路不熟开左手机导航都要几一阵至到, 都比约定时间早到, 以为晚饭时门口一定排晒长龙, 点知推门入去大把位(luck), 揾左个近窗口位置坐低, 见E小姐未到就同围打量一下, 当时正值晚饭时间, 都只系坐到6成坐位, 起码唔使撞到隔离手踭(luck), 问过负责楼面呀姐入纸蒸要几耐, 佢话而家无咩人应该好快, 所以就睇定有咩食先, 见张餐单选择都算多, 蒸类十款左右, 炸类几款左右, 肠粉有几款, 盅头饭又几款, 连甜品及油菜都有, 最后由E小姐选左以下心水点心：陈皮牛肉球：好有牛肉味!! 加左大大粒陈皮够香；糯米鸡：内里叉烧好够料, 汁液够味够浓, 如果有埋奄春蛋会更好；酥皮叉烧包：热辣辣, 皮薄料够多, 面头果块墨西哥脆皮够晒薄；鲍汁鸡脚：一吃就知系新鲜鸡脚, 无煲到烂一烂, 但又够咬口；沙荼牛肉春卷：以下由E小姐亲自品评 E小姐：「我好钟意点喼汁同
"添好运" 在北角开左分店, 就决定同佢去试试, 同男士梗系一早去揾位架喇, 又知道 "添好运" 个名同
等几粒钟至有得食系对等的, 因为对香港路不熟开左手机导航都要几一阵至到, 都比约定时间早到,
以为晚饭时门口一定排晒长龙, 点知推门入去大把位(luck), 揾左个近窗口位置坐低, 见E小姐未到
就同围打量一下, 当时正值晚饭时间, 都只系坐到6成坐位, 起码唔使撞到隔离手踭(luck), 问过负责
楼面呀姐入纸蒸要几耐, 佢话而家无咩人应该好快, 所以就睇定有咩食先, 见张餐单选择都算多,
蒸类十款左右, 炸类几款左右, 肠粉有几款, 盅头饭又几款, 连甜品及油菜都有, 最后由E小姐选左以下心水点心：
陈皮牛肉球：好有牛肉味!! 加左大大粒陈皮够香；
糯米鸡：内里叉烧好够料, 汁液够味够浓, 如果有埋奄春蛋会更好；
酥皮叉烧包：热辣辣, 皮薄料够多, 面头果块墨西哥脆皮够晒薄；
鲍汁鸡脚：一吃就知系新鲜鸡脚, 无煲到烂一烂, 但又够咬口；
沙荼牛肉春卷：以下由E小姐亲自品评
E小姐：「我好钟意点喼汁同埋想食多次条春卷啊」
咁有咩咁好食至得架 , 都系由我品评返, 沙荼牛肉用黎做春卷的确少见, 加上内里牛肉唔系碎牛,
仲系一粒粒有赵头, 好味；
两个人食五笼点心当晚餐, 居然饱到食唔晒添, 仲打包个酥皮叉烧包俾E小姐做早点, 系外面横风直雨下
品尝 "米芝莲" 点心都不失为一种浪漫气氛...
由于无以加一茶钱, 以一百左右去酒家都未必食到上面5个点心, 仲要质素系咁高添, 加上E小姐咁挂住佢春卷,
应该好快就会再帮衬喇...
第一次写食评, 多多指教...
题外话/补充资料：
P.S. 真系要表扬一下 "添好运" 北角店的服务态度, 见个部长用左好多时间教自由行的国内同胞, 点样带走, 保存同返热带走的点心,如果系其他地方一定无咁好招待, 依点抵赞!!
(以上食记乃用户个人意见 , 并不代表OpenRice之观点。)
张贴
