蝦麵店 (蘭杜街) (已搬遷) 新店位置

原来兰杜街虽然唔算好长，但系近皇后大道东呢个位，差不多成条街都系食肆，今晚阿仔想食东南亚菜，呢间餐厅主打虾面，原来槟城叫做福建面，装修都有啲马来西亚简约风，价钱亦大众化。最抵食一人套餐，加埋小食及饮品都系$90左右。嚟到呢度一定要试吓虾面，我食得辣所以嗌咗辣味虾汤虾肉肉骨面，一上到黎即刻闻到好重嘅虾味，睇落仲以为好辣，实际上大约1只辣椒辣度，排骨肉质松软，肥瘦比例适中，虾亦唔错。福建卤汤虾肉肉片面，卤面入口比较顺滑，原来加咗一啲蛋浆同猪骨汤底，所以比较浓稠。猪骨鸡汤鱼片四宝面，汤底多了鸡肉甜味，亦比较清，接近传统港式四宝面。带咗三个餐总共有三个小食，炸鱼片算薄身，亦唔会太咸，浸辣虾汤之后食亦唔错；沙嗲鸡髀肉串，亦算正宗；五香脆炸豆腐豆卜，呢个小食放入汤之后食会更加好。白胡椒肉骨茶油条，好有马拉风味。