影片
更多
2021-10-21
1245 浏览
星期日去咗鲗鱼涌玩跳弹床，玩完出咗身汗就想食返餐劲嘅🙈。我哋行咗去太古坊𠮶边，因为多啲嘢食，但始终系商场区，星期日仲开嘅食店得返一半。行嚟行去，我哋竟然被一个唔起眼嘅招牌所吸引，并转咗入去「虾面店」。虾面店喺唔同地区都有店，我并唔系第一次帮衬，之前食印象中几好。鲗鱼涌店店舖细细，座位唔多，但环境都算光猛整洁👍。餐厅有提供槟城路边摊一人套餐🇲🇾，包主食+小食+饮品。主食有超过十款选择，价钱由$68至$95不等，套餐主食会较单点份量少啲。如果唔够食，你更可以优惠价$18追加小食。为食嘅我哋就紧系加到成枱都系啦，哈哈😝。辣味虾汤虾肉肉片面($80/套餐)，餐厅名叫虾面店，嚟得呢度帮衬就当然要食招牌菜，🦐而虾肉肉片面正正系传统福建面。辣虾汤以虾壳、洋葱、辣椒同肉骨等手炒熬煮制成，汤头鲜甜，虾香四溢，浓度拿捏得宜。我认为汤底本身辣味就唔算好劲，如果钟意食辣，可加辣椒酱🌶。面底拣咗油面，𩠌料就有开边鲜虾、肉片同通菜等。咖喱喇沙汤鸡丝鸡蛋面($80/套餐)，🥘咖哩喇沙汤嘅底汤以猪骨、鲜鸡同多种香料熬煮，所以够咸香，但同时亦加入椰奶中和辣味🥥，令佢香而不腻。面底拣咗檬粉，𩠌料就有手丝鸡、豆卜、鸡蛋同芽
星期日去咗鲗鱼涌玩跳弹床，玩完出咗身汗就想食返餐劲嘅🙈。我哋行咗去太古坊𠮶边，因为多啲嘢食，但始终系商场区，星期日仲开嘅食店得返一半。行嚟行去，我哋竟然被一个唔起眼嘅招牌所吸引，并转咗入去「虾面店」。
虾面店喺唔同地区都有店，我并唔系第一次帮衬，之前食印象中几好。鲗鱼涌店店舖细细，座位唔多，但环境都算光猛整洁👍。
餐厅有提供槟城路边摊一人套餐🇲🇾，包主食+小食+饮品。主食有超过十款选择，价钱由$68至$95不等，套餐主食会较单点份量少啲。如果唔够食，你更可以优惠价$18追加小食。为食嘅我哋就紧系加到成枱都系啦，哈哈😝。
辣味虾汤虾肉肉片面
$80
48 浏览
0 赞好
0 留言
辣味虾汤虾肉肉片面($80/套餐)，餐厅名叫虾面店，嚟得呢度帮衬就当然要食招牌菜，🦐而虾肉肉片面正正系传统福建面。辣虾汤以虾壳、洋葱、辣椒同肉骨等手炒熬煮制成，汤头鲜甜，虾香四溢，浓度拿捏得宜。我认为汤底本身辣味就唔算好劲，如果钟意食辣，可加辣椒酱🌶。面底拣咗油面，𩠌料就有开边鲜虾、肉片同通菜等。
咖喱喇沙汤鸡丝鸡蛋面
$80
33 浏览
0 赞好
0 留言
咖喱喇沙汤鸡丝鸡蛋面($80/套餐)，🥘咖哩喇沙汤嘅底汤以猪骨、鲜鸡同多种香料熬煮，所以够咸香，但同时亦加入椰奶中和辣味🥥，令佢香而不腻。面底拣咗檬粉，𩠌料就有手丝鸡、豆卜、鸡蛋同芽菜等，佢哋全部都好索汤，正啊。我另外加咗$9要墨鱼丸，得两粒之余，味道仲要普普通通，下次可以跳过。
白胡椒肉骨油条
$25
16 浏览
0 赞好
0 留言
沙嗲酱鱿鱼翼(+$20)，一开头以为成碗都系鱿鱼翼🦑，原来下低垫住嘅系生芽菜，不过鱿鱼份量都唔少。鱿鱼质感弹牙，配埋沙嗲酱、干蒜、青葱同秋葵一齐食，夹夹埋埋都几得意。
马来沙嗲鸡肉串
10 浏览
0 赞好
0 留言
是日油菜有几款可拣💚，我哋要咗马拉风味：马拉盏酱配通菜。马拉盏酱偏重口味，一定要捞匀先好食，又或者将佢放汤都唔错。油菜份量超多，好抵食。
饮品方面🥤，我哋要咗特饮(+$10)，分别系美禄同冰糖柠檬薏米水。冻饮几大杯，味道唔太甜。美禄朱古力味老少咸宜，柠檬薏米水就好清润。
总括嚟讲，呢餐食咗好多地道槟城美食，就好似美食博览一样，令人满足😋。我哋食咗咁多嘢，埋单每人都只系$130，性价比高。如果想食马来西亚特色美食嘅话，我高度推介虾面店✨。
张贴
