影片
更多
2021-12-09
73 浏览
呢间餐厅喺乐富开咗冇耐，一直大排长龙。原因系性价比高，好味且份量十足。餐厅主打马来西亚槟城菜，除咗有著名嘅海南鸡饭、肉骨茶、喇沙、掺掺，亦都有老鼠粉、咖喱面，仲有巴东牛肉配斑兰椰浆饭，半熟蛋咖吔多士，地道之余，款式非常之多！先讲海南鸡饭，配三种酱料。海南鸡够香够油，配埋鸡饭非常满足。如果够胃口，仲可以叫其中一个海南鸡饭拼细碗喇沙米线嘅套餐，一次过满足晒食饭同面嘅要求！😋😋我自己亦都好钟意食佢嘅娘惹茶熏鸭喇沙：茶熏鸭肉香浓，有咬口，配上沙嗲汤底，全个面都好惹味😇面底仲可以选择米线或掺掺，我自己好钟意掺掺，佢系油面同米粉嘅混合，我都系食星加玻菜先知可以将两种面底混合，感觉又唔错。自己都钟意食老鼠粉：老鼠粉即系沙煲银针粉，热辣辣嘅砂煲上，银针粉配上大量虾米、鸡蛋、肉碎、鱼仔、花生等配料，拌著吃真的非常滋味。唯一缺点比较多油腻，怕肥就可能接受唔到😆跟餐嘅餐饮亦都好吸引：除咗普通嘅咖啡或茶，仲有特色饮品，好像香茅鲜橙茶、桔仔话梅水，唔驶额外加钱之余，味道亦都有惊喜！如果想饮冻嘢，佢仲有美禄哥斯拉、斑兰冰之类可以拣，算系好多元化。餐厅价钱大众化，性价比极高。暂时全香港好似只此一家，期待下次再去，尝
餐厅主打马来西亚槟城菜，除咗有著名嘅海南鸡饭、肉骨茶、喇沙、掺掺，亦都有老鼠粉、咖喱面，仲有巴东牛肉配斑兰椰浆饭，半熟蛋咖吔多士，地道之余，款式非常之多！
先讲海南鸡饭，配三种酱料。海南鸡够香够油，配埋鸡饭非常满足。如果够胃口，仲可以叫其中一个海南鸡饭拼细碗喇沙米线嘅套餐，一次过满足晒食饭同面嘅要求！😋😋
我自己亦都好钟意食佢嘅娘惹茶熏鸭喇沙：茶熏鸭肉香浓，有咬口，配上沙嗲汤底，全个面都好惹味😇面底仲可以选择米线或掺掺，我自己好钟意掺掺，佢系油面同米粉嘅混合，我都系食星加玻菜先知可以将两种面底混合，感觉又唔错。
自己都钟意食老鼠粉：老鼠粉即系沙煲银针粉，热辣辣嘅砂煲上，银针粉配上大量虾米、鸡蛋、肉碎、鱼仔、花生等配料，拌著吃真的非常滋味。唯一缺点比较多油腻，怕肥就可能接受唔到😆
跟餐嘅餐饮亦都好吸引：除咗普通嘅咖啡或茶，仲有特色饮品，好像香茅鲜橙茶、桔仔话梅水，唔驶额外加钱之余，味道亦都有惊喜！如果想饮冻嘢，佢仲有美禄哥斯拉、斑兰冰之类可以拣，算系好多元化。
餐厅价钱大众化，性价比极高。暂时全香港好似只此一家，期待下次再去，尝试更多美食。
张贴
