影片
更多
2022-08-22
150 浏览
今日嚟咗呢间茶餐厅，见到个外型呢好得意叫做柠檬冰室，入面嘅主题又系黄色感觉呢新颖得来又好型格，咁就一于入去食下港式茶记，意外地好好食好高质价钱又唔贵！🍴一口西多伴雪糕 $30 (7/10)一口西多士一啖一粒好方便食，炸到好香脆唔会好油腻，面包都好松软，有炼奶同埋蜜糖甜甜地，几好食，雪糕系云呢拿雪糕都几大球，正常雀巢味再加埋朱古力酱都唔会太甜。🍴奶油猪 $19 (7/10)好香脆，上面有炼奶同埋牛油，甜甜地又大嚿，好邪恶啊！🍴铁板海鲜炒鸟冬 $65 (8.5/10)海鲜炒乌冬好丰富呀，分量超多啊！有虾仁，鱿鱼，青口，鱼肉各两粒，元贝一粒，青椒洋葱芽菜椰菜，乌冬炒得好香口，咸咸地豉油味几香，口感淋身，鱼肉口感比较扎实，鱿鱼有口感，虾仁都爽口，元贝青都唔腥加埋佢好多蔬菜，口感都好丰富！真系抵食又好食。🍴鲜茄菠萝焗厚猪扒饭 $60 (8/10)个饭有炒过底，有鸡蛋丝，个饭够干身几香口，猪扒都好大块仲要切开左好贴心，几厚身好松软 ，一啲都唔会好韧好鞋口，个汁用咗洋葱蕃茄西芹去煮酸酸地都几开胃，菠萝系有一块大嘅罐头菠萝，酸酸地够晒份量，加埋芝士捞匀呢成个焗猪扒饭系真心好食㗎！好食过好多茶记同埋快
🍴一口西多伴雪糕 $30 (7/10)
一口西多士一啖一粒好方便食，炸到好香脆唔会好油腻，面包都好松软，有炼奶同埋蜜糖甜甜地，几好食，雪糕系云呢拿雪糕都几大球，正常雀巢味再加埋朱古力酱都唔会太甜。
🍴奶油猪 $19 (7/10)
好香脆，上面有炼奶同埋牛油，甜甜地又大嚿，好邪恶啊！
🍴铁板海鲜炒鸟冬 $65 (8.5/10)
海鲜炒乌冬好丰富呀，分量超多啊！有虾仁，鱿鱼，青口，鱼肉各两粒，元贝一粒，青椒洋葱芽菜椰菜，乌冬炒得好香口，咸咸地豉油味几香，口感淋身，鱼肉口感比较扎实，鱿鱼有口感，虾仁都爽口，元贝青都唔腥加埋佢好多蔬菜，口感都好丰富！真系抵食又好食。
🍴鲜茄菠萝焗厚猪扒饭 $60 (8/10)
个饭有炒过底，有鸡蛋丝，个饭够干身几香口，猪扒都好大块仲要切开左好贴心，几厚身好松软 ，一啲都唔会好韧好鞋口，个汁用咗洋葱蕃茄西芹去煮酸酸地都几开胃，菠萝系有一块大嘅罐头菠萝，酸酸地够晒份量，加埋芝士捞匀呢成个焗猪扒饭系真心好食㗎！好食过好多茶记同埋快餐店。
🍴黑钻红豆冰 +$12 (8/10)
意外超级大杯用咗啤酒杯去装住！红豆同埋凉粉都超级多啊，份量劲饱！红豆煮到烂晒好淋，凉粉都好滑好淋，淡奶都几香，唔会好甜！真心有惊喜！
🍴 超趣华田 +$12 (8.5/10)
超级香浓阿华田味，一啲都唔甜，上面有啲脆脆同埋好立克粉，饮落去香浓得来有几特别，𠮶只阿华田同埋可立克嘅Crossover，有创意得来又好饮！
推荐指数: 8.5/10
真系好耐冇食过咁好食嘅茶餐厅，除咗旧式风味嘅茶记之外，呢间新式嘅茶餐厅都好唔错，真心每一样嘢都几高质好好食，价钱又唔贵，返工返学平时都可以食多几次啊😆
张贴
