小巷弄

营业中

休息中

今日唔知点解突然间好想食台湾嘢，但系北角可以拣嘅台湾嘢真系唔多，呢一间都算系新开嘅台湾餐厅，好近北角汇，仲记得之前去佢嘅酒店住咗一晚，真系好舒服好chill！呢间餐厅可以嗌外卖，价钱一样，份量都几多㗎！佢嘅甜不辣有成六七旧咁多，啲酱酸酸甜甜，一啲都唔会辣，甜不辣好有咬口，真系食极唔停🤣以佢嘅鸡扒肉燥面，鸡扒炸皮好好食，鸡肉嫩滑，块鸡扒都几大，啲肉燥味道调得啱啱好，配埋啲面食好夹，仲有啲青瓜丝，成个面一啲都唔dry台湾手摇饮品，一定要饮柠檬爱玉！佢爱玉有成半杯咁多，杯嘢都唔会好甜，成餐加晒分😍