影片
更多
2023-08-20
222 浏览
星期五同朋友去完happy hour突然好想食嘢，转角遇到呢间霸吗拉面，之前以为剩系得尖沙咀有，点知中环都有，而且都几近兰桂坊。见佢新出柠檬灸烧鸡叉烧拉面($93): 食落去柠檬味都好出，汤底酸酸地几清新，本身头几啖都好唔惯，始终冇咗平时猪骨汤底𠮶种咸咸地嘅味道，但系食到最后反而会因为呢种清新而想keep住再食，一啲都唔觉得油腻。配料有樱花虾，两粒西兰花，木耳。要一赞嘅系烧鸡叉烧嘅炭烧味好出色，一食落去已经食到，而且唔会好干，如果钟意柠檬或者未试过嘅我觉得可以一试。朋友就叫咗平时佢哋主打嘅灸烧豚肉味玉拉面($95): 加几蚊可以要埋只蛋，猪骨汤底保持到鲜味，而且都唔会过厚身，自己好惊去到有啲拉面谱嘅汤底，虽然系真材实料，但系有时会太过洁身觉得好似食紧沾面咁样，但系呢度就冇，汤底都可以挂到面条。另外仲叫咗唐扬炸鸡($38)，一碟有五粒即叫即炸，炸得够脆但系一咬落去肉质会即刻标出嚟，好食！另外仲叫咗久违嘅抹茶可乐($25)，记得好耐之前唔知系边一间舖头饮过，但系已经唔记得咗佢嘅味道，今次饮返又觉得唔算太特别，比平时嘅可乐冇咁甜，但系抹茶味道就唔算太出。总结：地理位置好好，如果喺附近饮完两杯
见佢新出柠檬灸烧鸡叉烧拉面($93): 食落去柠檬味都好出，汤底酸酸地几清新，本身头几啖都好唔惯，始终冇咗平时猪骨汤底𠮶种咸咸地嘅味道，但系食到最后反而会因为呢种清新而想keep住再食，一啲都唔觉得油腻。配料有樱花虾，两粒西兰花，木耳。要一赞嘅系烧鸡叉烧嘅炭烧味好出色，一食落去已经食到，而且唔会好干，如果钟意柠檬或者未试过嘅我觉得可以一试。
朋友就叫咗平时佢哋主打嘅灸烧豚肉味玉拉面($95): 加几蚊可以要埋只蛋，猪骨汤底保持到鲜味，而且都唔会过厚身，自己好惊去到有啲拉面谱嘅汤底，虽然系真材实料，但系有时会太过洁身觉得好似食紧沾面咁样，但系呢度就冇，汤底都可以挂到面条。
另外仲叫咗唐扬炸鸡($38)，一碟有五粒即叫即炸，炸得够脆但系一咬落去肉质会即刻标出嚟，好食！
另外仲叫咗久违嘅抹茶可乐($25)，记得好耐之前唔知系边一间舖头饮过，但系已经唔记得咗佢嘅味道，今次饮返又觉得唔算太特别，比平时嘅可乐冇咁甜，但系抹茶味道就唔算太出。
总结：地理位置好好，如果喺附近饮完两杯突然之间想食个拉面嘅朋友都可以即刻去到。而且自己好钟意呢一啲期间限定嘅口味，一出就会去试，今次都算几新奇。
张贴
