影片
更多
2020-06-14
351 浏览
间唔中试下贵少少嘅甜品奖励自己，心情都好d(笑。呢间铺系扶手电梯隔离，细细间，蛋糕望上去都好精致。🍅柠檬芝士挞 hkd36/pc本来以为系类似new york cheesecake果种实净嘅口感，点知原来系cream cheese(简介有，系我无睇清楚)。讲真我就唔系好钟意呢类口感(类似mousse?)，所以有少少失望。忌廉芝士嘅柠檬味好香，食得出柠檬嘅酸，甜度唔高，入口绵滑。成件蛋糕酸酸甜甜，但无咩芝士味(其实有特别口味嘅芝士蛋糕都系咁，两者都好难取得平衡)。蛋糕边边位有d唔知咩叶，应该系装饰用，食唔出系咩。饼底方面，大概可以分三层，第一层就真系似纽约芝士蛋糕嘅口感，第二次似牛油蛋糕(磅蛋糕果种)，最底就系曲奇底，有少少硬。佢话系杏仁挞底，可惜无杏仁味，但都唔错。可惜，即使唔系好甜，但系食到最尾都系有d腻，呢个可能系大部分cheesecake嘅弊病。而且好多价钱更平嘅饼铺都可以做到呢个水准，虽然好味但算唔上一试难忘。🍅意式士多啤梨蛋糕 hkd40/pc店员见我拣左好耐都唔知拣边样，就热情咁推荐左意式士多啤梨蛋糕同蓝莓芝士慕斯蛋糕。可惜我唔钟意慕斯，所以就选择左呢款。蛋糕闻上去有好大阵
🍅柠檬芝士挞 hkd36/pc
本来以为系类似new york cheesecake果种实净嘅口感，点知原来系cream cheese(简介有，系我无睇清楚)。讲真我就唔系好钟意呢类口感(类似mousse?)，所以有少少失望。
忌廉芝士嘅柠檬味好香，食得出柠檬嘅酸，甜度唔高，入口绵滑。成件蛋糕酸酸甜甜，但无咩芝士味(其实有特别口味嘅芝士蛋糕都系咁，两者都好难取得平衡)。蛋糕边边位有d唔知咩叶，应该系装饰用，食唔出系咩。
饼底方面，大概可以分三层，第一层就真系似纽约芝士蛋糕嘅口感，第二次似牛油蛋糕(磅蛋糕果种)，最底就系曲奇底，有少少硬。佢话系杏仁挞底，可惜无杏仁味，但都唔错。
可惜，即使唔系好甜，但系食到最尾都系有d腻，呢个可能系大部分cheesecake嘅弊病。而且好多价钱更平嘅饼铺都可以做到呢个水准，虽然好味但算唔上一试难忘。
柠檬芝士挞
$36
91 浏览
0 赞好
0 留言
🍅意式士多啤梨蛋糕 hkd40/pc
店员见我拣左好耐都唔知拣边样，就热情咁推荐左意式士多啤梨蛋糕同蓝莓芝士慕斯蛋糕。可惜我唔钟意慕斯，所以就选择左呢款。
蛋糕闻上去有好大阵士多啤梨味，外层有好多cream，上面铺满士多啤梨，果肉清甜，士多啤梨面头有一层啫喱(应该?)。
蛋糕胚系朱古力海绵蛋糕同夹杂住士多啤梨果肉嘅草莓味忌廉。朱古力味浓度啱啱好，连埋d忌廉一齐食，既唔会遮盖清新嘅草莓味，又唔会食唔出朱古力味(如果佢嘅柠檬芝士都做到呢点就好la)。入面嘅士多啤梨同面头嘅相比就有d酸，同甜嘅忌廉配合得好好，令成件蛋糕酸酸甜甜，无咁腻，反而比甜嘅果肉更好。
朱古力，忌廉同酸草莓配合，令成件蛋糕好有层次，味道清新自然，甜而不腻。个人认为柠檬芝士挞应该系欠缺正真水果自然嘅酸味，所以先会越食越漏。
意式士多啤梨蛋糕
$40
95 浏览
0 赞好
0 留言
整体而言，意式士多啤梨蛋糕明显更胜一筹，不愧系店员口中嘅销量较高款。相比之下，反而期待较高嘅柠檬芝士挞就有d失色，但都可以话唔错。
张贴
