峴港越式料理 (已結業)

行下行下，见到呢间越南嘢，就走咗入去食。Lunch hour，人流多，全餐厅满座，好彩我地早一步，啱啱有张吉枱，唔驶等位就可以入座。我同朋友分别叫咗火车头汤河、香茅猪扒饭、柠檬薄荷梳打、咸柠蜜。香茅猪扒饭: 睇落好吸引，除咗猪扒之外，仲有一旧蛋卷同埋沙律菜。猪扒份量充足，够晒饱肚。火车头: 有生牛肉、牛丸、扎肉、白萝卜……汤头虽然清淡，但几样配埋一齐都几好味。以呢个价钱嚟讲，已经系唔错。咸柠蜜味道调得适中，不会太咸，甜甜地易入口。柠檬薄荷梳打: 调味适中，有大量柠檬叶喺入面，青柠加薄荷嘅配搭，十分清新。