鳳鳴石磨腸粉 (觀塘廣場) (已結業)

如果你系肠粉fans 又未试过皱皮肠粉，真系要食下呢种用柜桶式钢盘将米浆配料蒸好，师傅再推到扭埋皱皮既肠粉，包你钟意，个样其实同陈村粉有几分相似，味道比饮茶既布拉肠更有米香，更加烟韧。凤鸣仲有黑米浆同红米浆拣（免费升级），真系柜桶肠粉界既极至。独家配料：炒芝麻、炸蒜、芫荽、葱花、麻油，可以自由选择全要/走某款/份量多少（建议全部要齐因为好好味）。酱汁有自家制作麻香汁（小小麻辣一定要试下，好夹肠粉，另外加咗支拎番屋企捞面）；辣椒粉；肠粉豉油。手撕鸡肠个胡麻酱同麻香汁天作之合，鸡肉本身都有调味，夹埋落黑米肠粉，食到冇停口，套餐有埋小食，要左六粒烧卖，点埋个汁酱一流。石磨鸡蛋粟米猪肉肠，柜桶肠粉经典组合，小食配三只白菜猪肉饺，真系冇夸张、好好味，跟餐饮品有豆浆/ 竹蔗茅根/ 桂圆红枣/ 罗汉果，都系夏天良伴。