影片
更多
2009-11-24
132 浏览
9月27日, 补祝我旧历生日嘅关系, 一家人今日黎咗呢间六国酒店食buffet~ 因为爸妈都比较守旧, 佢地都唔太钟意创新野, 所以呢类老牌酒店嘅buffet应该会啱佢地口味~而且 $138一位都几便宜~::: 冷盘刺身 ::: 食嘅第一时间都系冷盘同刺身类~ 一望冷盘, 有点失望嘅系冇生蚝?! 呢类buffet完全冇谂过会冇生蚝食, 虽然我地都唔系话好钟意食, 但系点都会食4-5只, 冇咗真系好似冇咗个灵魂...其他冷盘有冻虾, 青口, 小龙虾… 冻虾偏淡, 小龙虾好咸, 正常嘅只有青口… 其他沙律, 烟火腿, 冷面都属于正常货色~ 鱼生刺生选择亦少, 只有三文鱼, 八爪鱼同剑鱼… 不过可以一试嘅系个鹅肝pie, 虽然唔知真系有几多鹅肝喺里面, 不过几有口感, 几特别~ 配面包食亦不错~::: 汤粉面 ::: 忌廉汤好特别, 有d似系鱼翅嘅野喺d汤度, 好creamy, 好正好好味~粉面有个小档, 可以自选材料, 粉面底, 同汤底~ 自选材料嘅𩠌冇乜特别, 平时打边炉料咁啦. 粉面底要咗粉丝跟叻沙汤底, 叻沙味道几丰富, 有椰汁少少辣啱我, 要咗粉丝都系一个好选择, 唔会太饱得黎又会
::: 冷盘刺身 :::
食嘅第一时间都系冷盘同刺身类~ 一望冷盘, 有点失望嘅系冇生蚝?! 呢类buffet完全冇谂过会冇生蚝食, 虽然我地都唔系话好钟意食, 但系点都会食4-5只, 冇咗真系好似冇咗个灵魂...
其他冷盘有冻虾, 青口, 小龙虾… 冻虾偏淡, 小龙虾好咸, 正常嘅只有青口…
其他沙律, 烟火腿, 冷面都属于正常货色~
鱼生刺生选择亦少, 只有三文鱼, 八爪鱼同剑鱼…
不过可以一试嘅系个鹅肝pie, 虽然唔知真系有几多鹅肝喺里面, 不过几有口感, 几特别~ 配面包食亦不错~
::: 汤粉面 :::
忌廉汤好特别, 有d似系鱼翅嘅野喺d汤度, 好creamy, 好正好好味~
粉面有个小档, 可以自选材料, 粉面底, 同汤底~ 自选材料嘅𩠌冇乜特别, 平时打边炉料咁啦. 粉面底要咗粉丝跟叻沙汤底, 叻沙味道几丰富, 有椰汁少少辣啱我, 要咗粉丝都系一个好选择, 唔会太饱得黎又会索到d汤~ 好味!
另外, 喺粉面档亦都可以叫粥, 亦系自选材料, 不过粥底比较淡, 冇味, 唔好食…
::: 热荤 :::
热荤类都系一如已往, 各种肉类, 意粉炒饭, 选择唔多, 但样样都几好味! 尤其是萝白牛腩, 白汁意粉, 牛脷都很不错~
::: 烧烤 :::
比较特别嘅一类, 应该系标榜住烧烤类, 可惜烧出黎嘅食物都唔太有烧烤嘅味道… 包括有牛仔肉, 猪肉肠, 鸡肉肠, 蔬菜如椒类, 翠玉瓜. 我食𠮶旧牛仔肉偏生, 肉味欠奉. 猪肉肠, 鸡肉肠有味但系唔似烧出黎, 似焗咁. 反而蔬菜就烧得几好食~
::: 甜品雪糕 :::
睇过食评, 都几期待佢嘅心太软, 可惜系又一次失望… 因为lunch buffet见唔到心太软啦! 其他甜品款式都算多, 有cheesecake, mousse cake, brownie, crème brulee, 木糠布甸, 面包布甸, 仲有爆谷同朱古力喷泉! 各样味道都水准以上~ 不过要每样都食都真系都有d困难…
雪糕真系就不可不吃, 因为系我地认为最好食嘅HD, 有士多啤梨, cookie’s n cream, 朱古力同brittle chocolate 4只味, 食多2球已经抵番~! 仲有就系自制窝夫, 一手一脚整出黎, 唔好食都好玩~
::: 饮品 :::
好多嘅buffet都只系送一杯饮品, 呢度其中一个好处就系可以自斟自饮~ 柠茶奶茶咖啡有, 仲有西瓜汁, 橙汁, 提子汁咁, 供应选择都几多, 味道都可以接受~
以一个lunch buffet 黎讲, 呢度嘅食物选择都已经十分足够, 只系冇生蚝就总系差少少, 其他食物味道都可以接受… 环境都几靓, 面对住星期日开扬嘅告士打道, 叹个buffet十分悠闲.
张贴
