榕記車仔麵 (已結業)

好想食车仔面，呢度系将军澳唯一一间出名，所以特登嚟试吓。地方几干净，坐得都舒服，唔会好迫，服务员都有善，嗌咗麻辣烫底河粉配五样𩠌，等咗一阵就嚟到啰！仲跟埋即弃餐具一齐来，唔怪之得枱上面冇筷子匙羹，觉得有点浪费唔环保吧，堂食都要用即弃餐具，其实如果处理妥当，重用餐具都冇乜问题，都可以好卫生。望落去碗车仔面基本上就冇乜卖相，先讲麻辣汤底，味道欠缺层次，得个辣字，冇乜鲜味，清淡咗啲，汤底系包芽菜韭菜，但系数埋都系得𠮶两三条，河粉可能本身好油，用对即弃木筷子好难先至将佢夹到上嚟，夹上来嘅时候仲有啲散，陈皮鱼蛋几特别，味道唔错，不过冇正宗鱼蛋𠮶种嘅爽滑弹牙感觉，猪皮猪红嘅份量都几多，不过有啲湿湿碎碎，萝卜都几甜，冇乜特别，反而猪大肠就几入味，煮得都够林。整体觉得都系唔够传统嘅风味，唔够揦鲊，不过不失而已⋯⋯