桜

营业中

休息中

好耐都冇去过荃湾嘅路德围啦，以前间唔中都会嚟呢度揾嘢食，好多又抵食又好食嘅小店，最常食嘅有刀削面啦、米线啦、泰国菜啦，仲有好多甜品舖， 好多选择，一入夜就会聚集好多人，尤其是年青人 。另外呢度有好多间铺头做外卖嘅，其中一间最多帮衬嘅系呢一间日式手卷小店 ，你都可以堂食嘅，不过就得一张枱仔啰，所以通常我都系外卖，价钱都好大众化，有十几蚊到四十几蚊都有，最啱就系买返屋企做宵夜 ，又唔会太heavy，又好食。今晚就嗌咗四款， 一款系海胆带子手卷（$48）攞到返屋企食海胆都仲好新鲜，一款系海胆飞鱼子手卷（$34）飞鱼子好足料满到泻晒，一款系北寄贝手卷（$18）另一款系芥辣八爪鱼手卷（$14）， 加埋晒都系一百蚊多啲，抵食！