泰式美食2

营业中

休息中

呢排系九龙城做野 都食过几间唔同嘅泰菜呢间泰式美食 不论食lunch set定散嗌都叫数一数二好食1.烧鱿鱼，烧得啱啱好唔会干，鱿鱼须位有啲焦边边好香2.肉碎炒饭，本身想叫set lunch嘅肉碎饭，可能泰姐姐听错咗，落咗炒饭不过炒得好香，好惹味，算系意外惊喜。3.炒金边粉次次去泰国餐厅食set都会嗌炒金边粉，贪佢唔使谂快靓正，同埋呢啲系普通嘢，就算唔好食，个味唔会衰得去边。呢间炒金边粉真系好好食，炒得唔会湿，酸酸甜甜好开胃呢间嘢食过几次，都嗌过冬阴功呀串烧呀其他都好好食有时朋友问我九龙城有咩泰菜好食，有时都惊介绍错，令到人中伏。但系呢间就真系未试过有朋友同返我讲中伏，回报返黎都系好好食，值得一去。