駿運士多 (已結業)

以前听人讲呢间野既烧卖好好食，又平又抵，所以行过都会试下，而味道同价钱真系几合理既。最近买左几次，发现一个几严重既问题，就系几次都数少左！！！唔系1-2粒， 系4-5粒！！点解会知？ 因为次次买都用大兜装，好奇点解突然用细兜可以装得晒。 数数下，哇 ！买25蚊烧卖， 个收钱哥哥仔都话夹20粒，点知数返先得15粒。 可能买25蚊比较少见啦，你少夹而夹错，但你同事开口提埋几多粒啦㖞，咁都有错？最嬲系，大佬啊， 就算我买20蚊最少都16粒啦吓。 你先夹15粒？ 有冇搞错啊，好心夹野个位女士认真少少数得唔得，次次系你负责夹野都错，一系又试下我畀少啲钱得唔得？ 今日又买，好野！ 买25蚊，又系得15粒，又系同一位女士夹，真系好野！ 大家买既时候都可以数下！