永年士多 (兆安廣場)

营业中

休息中

喺铜锣湾返工，偶尔都会同同事去永年士多食车仔面。佢唔算系新派嘅车仔面，但胜在佢个辣汁够辣够浓郁，所以周不时会去食。今次就嗌咗佢嘅四宝面，内有猪肠猪皮猪红同萝卜四个𩠌。猪肠都几弹牙，猪红入味，猪皮味道亦不过不失，女仔食四个𩠌份量就啱啱好。除咗车仔面，佢嘅捞面都几有惊喜，同事今次食咗牛筋腩捞面。佢话牛筋好腍，配埋虾子面好惹味。有时夏天唔想食汤面，捞面都应该会系一个几好嘅选择。同同事两个人share咗碟菜，系好嫩嘅腐乳通菜，$27 嚟讲质素算对得起个价钱。至于嘢饮今次就嗌左樽仔奶茶同埋抹茶红豆冰，樽仔奶茶几滑几够茶味，可以一试。不过抹茶红豆冰就略嫌抹茶味欠奉，觉得嗌普通红豆冰就够。呢一餐嘅食物质素都唔错，不过就唔建议大家嗌咖央多士，因为味道太普通，真心建议留番啲quota食多一两个𩠌，或者小食仲好。