影片
更多
2019-04-19
4766 浏览
永远要排队但都排得心甘情愿嘅华嫂，隔几个月就会走去食，住市区嘅人专登入去系有点远，但对有车嘅人讲反而系方便，因为有车泊，通常都系早少少去到等开门，头一两round就会食到，如果迟咗就变食tea架啦🥺🔸冬荫功汤 鸡翼鲍片面基本上猪排鸡翼乜都食过晒，款款都啱晒食肉兽，啖啖肉又入味。冬阴功汤底都落足料，非常香浓，仲有好多香料渣，而且越食越辣，正！🔹莞茜皮蛋汤 猪润肉筋米粉系我最爱嘅莞茜汤，其实本身唔系特别好莞茜但劲钟意食呢个嘅汤，次次黎都嗌，莞茜又多皮蛋又多，茜味极重。猪润又煮到啱啱好唔太粉，肉筋我第一次试，系连住筋嘅猪肉，弹牙有咬口！🔸招牌咸牛肉芝士蛋猪仔包半熟蛋冇得输！就算饱到呕都要嗌一款呢啲包试下，仲有菠萝油个啲款都好正，必食！嗌埋杯冻奶茶，正到不行！仲有冰花奶茶又系好好饮，不过饮品另计所以就唔系次次都嗌黎饮～好多人话其他铺冇元朗铺咁好食，因为我未试过其他店所以不予置评，但元朗店本身真系好好食，所以我觉得排一阵都系值得嘅！！（但等紧个阵好多蚊，要有心理准备同啲蚊搏斗）
永远要排队但都排得心甘情愿嘅华嫂，隔几个月就会走去食，住市区嘅人专登入去系有点远，但对有车嘅人讲反而系方便，因为有车泊，通常都系早少少去到等开门，头一两round就会食到，如果迟咗就变食tea架啦🥺
🔸冬荫功汤 鸡翼鲍片面
基本上猪排鸡翼乜都食过晒，款款都啱晒食肉兽，啖啖肉又入味。冬阴功汤底都落足料，非常香浓，仲有好多香料渣，而且越食越辣，正！
🔹莞茜皮蛋汤 猪润肉筋米粉
系我最爱嘅莞茜汤，其实本身唔系特别好莞茜但劲钟意食呢个嘅汤，次次黎都嗌，莞茜又多皮蛋又多，茜味极重。猪润又煮到啱啱好唔太粉，肉筋我第一次试，系连住筋嘅猪肉，弹牙有咬口！
🔸招牌咸牛肉芝士蛋猪仔包
半熟蛋冇得输！就算饱到呕都要嗌一款呢啲包试下，仲有菠萝油个啲款都好正，必食！
嗌埋杯冻奶茶，正到不行！仲有冰花奶茶又系好好饮，不过饮品另计所以就唔系次次都嗌黎饮～
好多人话其他铺冇元朗铺咁好食，因为我未试过其他店所以不予置评，但元朗店本身真系好好食，所以我觉得排一阵都系值得嘅！！（但等紧个阵好多蚊，要有心理准备同啲蚊搏斗）
张贴
