漁港艇仔粉 (鴨脷洲大街) (已搬遷) 新店位置

叫咗碗招牌艇仔河同鱼蛋河，汤底味道不错，鱼蛋鱼片弹牙滑口，其他配𩠌不太特别，但同汤底几夹。主要针对男店员态度，可能你会话茶记伙计态度系咁上下，不过好明显系欺善怕恶。见你个样生得后生就呼呼喝喝，年轻就是罪咁样，眼神凌厉啤住你，对佢客客气气讲唔该，轻声说话都无补于事，仲嫌你讲得唔够大声。但当佢见到啲老街坊就客客气气，反差明显。隔离台都有人忍唔住，开始粗声粗气命令佢，佢啲态度又会好返啲，明显系唔闹唔话下，就唔识改下啲臭脾气，真系唔想食个粉都咁劳气。