爖月串燒居酒屋

营业中

休息中

又系朋友带路！去咗尖沙咀楼上呢间串烧居酒屋「𤇭月」，价钱合理，款式多样，食物质素高质，性价比高。手揸饼海胆虾卷（$148）呢款系餐厅名物，点咗一客试下！巧妙地运用中式手揸饼取替紫菜，口感松化，入口富牛油香，包住海胆同虾，口感几丰富。比翼双飞乳鸽有啲估唔到呢度竟然有乳鸽食，味道仲要都唔错。乳鸽唔会太干，肉质juicy，如果外皮脆啲就仲正啦！明太子玉子烧玉子烧好嫩滑，包住慷慨嘅明太子，更添咸香。月见免治鸡肉棒鸡肉棒自家制作，直接放喺兰王蛋上，完全被蛋汁包围，又有蛋香又令到口感更为湿润。鸡皮呢个烧得干身佐少少。鹅肠呢个烧得好好，调味都岩岩好。油甘鱼鲛鱼皮烧至焦香，鱼肉嫩滑。