雲貴軒米線專門店

营业中

休息中

啱啱跑完步经过龙门居个，肚仔有啲饿就决定喺龙门居揾食，咁啱撞正下午茶时段咁朋友就建议去云贵轩度食下午茶，因为佢话上次食过呢间嘢都唔错。我哋两个人嗌左一个芝士汉堡配脆香鸡翼，另外加$8可以加倍一款捞米线，我就拣咗台式肉燥捞米线，朋友就拣咗碗仔翅捞米线。餐饮方面呢就一日嗌咗一杯特色饮品。个汉堡包系用猪仔包来做包皮，鸡翼都揸得唔错，个感觉唔似食云南嘢次食港式嘢但真系几得意同多元化。米线煮到好滑，唔会太淋啱啱好。肉燥味道十足唔会太咸。碗仔翅个玩我就冇试过，但系听朋友讲都唔错。我就带咗柚子特饮朋友嗌咗芒果特饮性价比都真系好高。买单啱啱好$100 ，个餐包咁多嘢食真系好抵，睇埋佢个晚餐牌，下次到真系上嚟试多次佢嘅晚餐。龙门居嘅朋友仔都建议黎试吓，因为好少舖头咁有心会有咁多款嘢食俾你拣。