Fratelli Restaurant (已結業)

同事有日话骏业里开咗间新既burger店. lunch去试试原来除咗burger重有意大利粉/意大利饭可以选择呢.枱上都有隔板&消毒搓手液好贴心. 同事们拣咗照烧流心蛋安格斯牛肉汉堡, 而我呢就试下佢地既黑松露鸡肉什菌意大利饭.牛餐都有送餐汤, 汉堡会有埋薯条. 餐汤系忌廉蘑菇汤, 略嫌稀咗少少. 同事们既汉堡出场啦, 真系好吸引!! 流心蛋安格斯牛肉整得好好味. 薯条都炸得好好食 (我偷食咗好多条 😆)至于我既黑松露鸡肉什菌意大利饭, 鸡肉系手撕鸡既肉... (可能因为有个泰式手撕鸡汉堡所以啲鸡肉就用埋...)个汁既黑松露&忌廉味系够既, 不过系淡咗啲差啲咸味. 问店员攞支盐加返少少即刻正晒!! (个人口味觉得个饭如果再煮耐啲等佢再收一收汁会更好)餐饮我点咗个黑糖桂圆红枣茶真系好浓好好饮, 感觉好养生有惊喜! 😋* * *隔咗几日又去试咗手打流心明太子虾饼汉堡就一次过写埋啦!总评: 超级正呀!! 😱卖相已经一流, 虾饼好厚身又实肉, 切开中间真系有流心明太子流出黎!! 唔好浪费即刻用个包沾埋啲汁!! 今次既餐汤系薯仔汤，好味！😋果然黎汉堡店系要食汉堡先系王道呀!! 😎