泰味泰國餐廳

营业中

休息中

前2日同朋友试食呢间泰国餐厅🇹🇭，发觉几好食😋今个星期五带男朋友再黎食👨🏻今次叫左醉猫炒金边粉，猪肉生菜包，烧猪颈肉，泰式春卷，椰汁冰🧉🧊上次黎食系叫醉猫炒河粉，河粉惊喜地炒得好好食，今次再叫，可惜今日河粉卖晒，要转金边粉，拣左炒鸡肉。少少辣辣地，多配料，有青红椒，菇，豆，菜同鸡肉，都不错，但都系炒河粉好食啲🫢🌶️🫑猪肉碎生菜包🥬碎肉都大碟，我同男朋友每个人都食到4，5个生菜包，碎肉炒得好食，有少少微酸，配新鲜生菜食，清新健康。🥢🥢烧猪颈肉都不错👍🏻春卷炸到好脆嘅，点埋个甜酸酱，系几好嘅小食黎。😊最后送左2件应该系椰汁西米糕比我地食🥥🙂服务方面，职员会定时帮我地斟水同埋清理枱上食完餐碟嘅👏🏻👏🏻收加一服务费都合理另外一提就系上次黎食叫左半打猪牛鸡串烧🍡🍢鸡串烧特别好食🤤，好滑，有少少惊喜。