Plato Cafe & Bistro (裕民坊YM²)

今日放假唔想煮，无意中发现左裕民坊有间新开既西餐厅，环境几干净，亦都几阔落，估唔到呢到都有间咁高汁既餐厅，一入到去，员工好有礼貌地安排我地入座，打开餐牌，见到个set dinner已经心大心细，基本上每样野都好想食，于是我地决定拣d烹调技考比较高既菜式，因为平时唔识煮啊嘛！西班牙海鲜饭份量十足，每一粒饭都好龙虾汁味，加上个饭上面既海鲜全部都大大只，食落去好有口感好新鲜，面头加上左鲜鱼圈，非常弹牙；亦都有大大只既蚬肉同青口，重有我最爱既虾同带子，呢个饭真系非常丰富材料，睇得出厨师花左好多心思去整。澳洲肉眼牛扒我地叫左5成熟，就咁睇个外表黑黑地以为佢熟得济，点知切开都真系keep到5成熟，自己好怕煎牛扒，永远都控制唔到个火喉，但今次又真系整得几出色，而且配菜有薯容，口感层次非常丰富。酸忌廉烟肉薯条小食我地叫左呢个薯条，佢可以放一个钟都重系keep住脆架，而且酸忌廉烟肉非常爽，加埋个薯条简直系最佳拍档。