品川日本料理 (已結業)

朋友好钟意食鱼生，所以同佢食亲饭都大多数系放题，佢今日约左我去荃湾海之恋商场内食放题，坐低后，店员教我地以二维码落单叫食物，这任务当然交比熟悉的朋友啦，我见到餐厅有一角系自助Bar，比人任拎饮品、小食、沙律及甜品，我一于出去拣下饮品、小食先。估唔到见到有清酒同梅酒，于是拎左一瓶同朋友对饮下，返到去见到满枱都系食物，忍唔住即刻起动，鱼生片切得好厚身，块块都好肥美，加上哩度款式都算好齐好丰富，我最钟意食既北寄贝爽口弹牙，哩度仲有埋象拔蚌、荣螺同马刀贝刺身，都系出面比较少食到的，全部都好新鲜同爽口，令到我同朋友食唔停口，要不停Encore再Encore，至于小食方面，泰式凤爪腌得非常入味，而泰式生虾都好鲜甜弹牙,哩度仲有烧比目鱼，相比之下哩度海鲜款式选择较多元化，种类多，至于甜品方面选择虽然唔算多，胜在有Haagen dazn雪糕食，价钱方面，依家有9折优惠，计起同出面食开既价钱都系差唔多，有机会会再同其它朋友黎捧场。