大圍小食

营业中

休息中

去咗围方行街，临走之前去呢间老字号嘅小食店买外卖返屋企，同一班朋友睇波一齐食。小食店应有尽有，谂得出啲街头小食都有得卖。最吸引我就系臭豆腐，最钟意食臭豆腐，越臭越正🙈呢度啲臭豆腐仲配上巨利酱园嘅甜酱同埋豆瓣酱，外面香脆里面柔软，好滋味。另外小食店必备嘅鱼蛋、烧卖、煎酿三宝呢度梗系有，我哋每样买咗啲。鱼蛋系陈皮鱼蛋，烟烟韧韧，加上舖头特制嘅辣汁，香辣惹味。鱼肉烧卖就正常发挥，烟烟韧韧。煎酿三宝其实唔止三宝，我哋每样执啲，有酿青椒、酿红肠、酿豆腐、酿西兰花、酿冬菇、仲有炸鲮鱼球同埋炸饺。我仲叫咗蜜糖烧猪颈肉，真系即叫即烧，猪颈肉厚切，肥美甘香，配上甜甜嘅酱汁，绝配。烧黑椒牛丸都正，够晒黑椒味。肉碎狗仔粉最正系店舖自制嘅辣菜谱，肉碎加上葱花再加爽脆辣菜谱，令到味道即时提升，狗仔粉软滑，连汤一齐食好易入口。另外仲叫左生菜鱼肉同埋碗仔翅，今次真系过足口瘾，我谂得出嘅小食呢度大部份都有齐。