ChumChum味 (已結業)

用apps Book 6点有5折优惠，见咁抵就去试试。六点去到岩岩先开门准备，地方宽落，电视不停播韩歌MV，有得拣坐室外。服务就一般般，可能系刚开舖得一个人嘅关系。野食系好好有水准有分量。唔想食得咁热气，今次就无食烧肉，两个人叫左三样野，但多到食唔哂要打包，五折优惠同加一后，每人平均$120。前菜萝卜较为酸，另外三款都好食。蟹肉炒饭 $100 分量都多，炒到一粒粒，蟹肉味好出，甜甜地咁，愈食愈有鲜味。会有埋炸酱比你捞黎食，试左啖就觉得咁会嘥左蟹肉，无左个鲜甜味，所以就无捞黎食。炸鸡 $188一半系原味，另一半可甜辣酱，分量好多，我地两个只食到一半，有一半要打包。外脆内鸡肉唔算好干，粉都唔厚，会有泰式辣酱同盐你点。蛋卷 $85都好大碟，无加芝士简简单单，几好味，但个蛋熟左少少，建议加埋芝士食应该会更好味。