臨記車仔麵 (已結業)

哩间临记车仔面一试爱上。哩到除左基本车仔面配料，仲有多款小食，令人花多眼乱，一星期黎食几次都唔会重覆😊。另外地方够大够舒适，除左卡位，仲有大大张圆枱，一班朋友黎食都容易揾位。难怪周末午饭时段人龙咁长。车仔面除左自由选择配料外，哩到仲会有几款套餐选择，岩哂我哩啲选择困难症既食客。今次拣左个全斋既「唐三藏」同全猪既「猪八戒」😂，个名改得好贴切。汤底或面底都有得选择，自由度好高。咖哩汤好香咖喱味，而且辣辣地几开胃。相反小辣既麻辣汤冇咖啡汤咁辣，不过味道就清香啲。两款汤底各有卖点，都好食。面既份量超多，配料都好足料。一旧箩卜有半只手掌咁大。猪大肠清洁得好干净，可以放心食。招牌腩肉肥瘦适中，好好食。另外加只溏心蛋，咬开里面仲系结结地，口感浆住浆住，系一只成功既溏心蛋😋😋。小食油炸鬼猪扒同孜然新疆鸡翼都好正。猪扒皮炸得够薄，肉质唔嚡口，够松软。鸡翼上面沈满左芝麻同味粉烧制，鸡翼够入味，非常惹味。哩到既油菜新鲜之余都好健康，少油不肥腻。