韓牛韓式燒烤 (已結業)

今日出旺角买野，买完肚饿就响附近食野，见到有间韩烧价钱唔贵，同好多野食，于是入去食😊果然无令我失望，入面有好多唔同款既前菜，熟食，冻肉，甜品拣，真系花多眼乱，唔知食边样先好😂😂牛肉质素好高，好新鲜，食得最多既其中一样😂其次都系牛，就系牛柳粒，牛舌，除左新鲜外，味道调得都岩岩好👍🏻👍🏻除左牛外，仲有多春鱼，间餐厅好贴心，响旁边有油，烧多春鱼时，皮会烂哂，贴左响铁板，但加左油就唔会，呢个值得一赞👍🏻👍🏻其余烧肉，仲有猪梅肉，鸡肉，鸭肾，鸡翼，吊桶，鱿鱼等等，款式太多不能尽录😂熟食方面，估唔到都有海鲜，青口够大只，够新鲜，虾🦐肉都好爽，唔错👍🏻仲有好多炸物，炸鸡🍗再加上蜜糖芥末式者韩式辣酱，好有韩式风味，真系好好食，鸡既外皮够脆，多汁，呢个都系小弟既其中一个推介👍🏻甜品方面🍦，有香芋雪糕，开心果雪糕，蜜瓜味雪糕，芒果味雪糕同埋红豆味雪糕，雪糕种类都算多。除咗雪糕之外，仲有嘅豆腐花，朱古力喷泉，桂花糕，椰汁西米糕等等。总括而言，性价比很高，大家经过可以一试。👍🏻👍🏻