豚豚食堂

营业中

休息中

今次食左屋企附近嘅餐厅，开左一年今日先第一次食。佢有拉面，有咖哩饭，有便当，好多选择。两点去食冇咩人，唔洗等直接入去，餐厅环境干净，员工态度友善。叫左个白豚肉拉面，朋友叫左个鲭鱼豚肉便当。等左5分钟就有，上餐速度好快。白豚拉面，$69包含一碗拉面同埋一份小食，份量适中。拉面面质有啲似即食面，有啲淋。但系都可以接受。个汤好浓郁，有猪骨味。猪肉有三块，好厚好大块，但系稍微有点硬。拉面仲有甘荀同木耳，正！鸡软骨好有咬口，配合柠檬汁，味道唔错。朋友叫左鲭鱼豚肉便当，鱼冇腥味，豚肉甜甜地，几好食。粟米淋上麻酱，好夹。